سیاحت محکمہ کے وزیر راجو کمار سنگھ نے نئی اور جدید محکمہ جاتی ویب سائٹ کا افتتاح کیا

پٹنہ،24جون(ہ س)۔بہار کے 165 اہم سیاحتی مقامات کے بارے میں معلومات اب صرف ایک کلک پر دستیاب ہیں۔ وزیر سیاحت راجو کمار سنگھ نے منگل کو چیف سکریٹریٹ میں واقع ٹورازم ڈائریکٹوریٹ آڈیٹوریم میں نئی خصوصیات سے بھرپور ویب سائٹ www.tourism.bihar.gov.in کا افتتاح کیا۔ اس نئی تیار کردہ ویب سائٹ پر سیاحوں، سیاحت کے شعبے کے محققین اور محکمہ سیاحت کی اسکیموں کے بارے میں تمام معلومات ہندی اور انگریزی زبان میں دستیاب ہوں گی۔

پروگرام میں وزیر سیاحت نے کہا کہ سیاح ویب سائٹ سے سیاحت کے مقام اور نقشہ کو ہی نہیں بلکہ جیوویجر ڈاؤن لوڈ کرکے اس کے ذریعہ پوری جگہ کو براہ راست دیکھ سکتے ہیں اس سے لوگوں کو لوگوں کو سیاحتی مقام تک پہنچنے میں آسانی ہوگی۔ محکمہ کی طرف سے چلائی جانے والی پالیسیوں، اسکیموں اور پروگراموں کے بارے میں بھی معلومات ویب سائٹ پر دستیاب ہوں گی۔ انہوں نے مزید بتایا کہ آنے والے دنوں میں بہار کی سیاحتی پالیسی کی درخواست کے فارم ، وزیر اعلیٰ ہوم اسٹے بیڈ ٹو بریک فاسٹ انسینٹیو اسکیم، ہوٹلوں اور ٹور آپریٹرز کی شناخت سے متعلق درخواستیں بھی آن لائن دستیاب کرائی جائیں گی۔ اس کے ساتھ محکمہ سیاحت کا ایک موبائل ایپ بھی تیار کیاجارہا ہے۔ سیاحت کے سکریٹری لوکیش کمار سنگھ نے کہا کہ لوگ محکمہ کی ویب سائٹ پر بھی اپنی تجاویز دے سکتے ہیں۔

محکمہ سیاحت کی ویب سائٹ پر اہم سیاحتی سرکٹ جیسے بدھ سرکٹ، جین سرکٹ، سکھ سرکٹ، رامائن سرکٹ، ایکو سرکٹ، صوفی سرکٹ اور گاندھی سرکٹ جیسے بڑے سیاحتی سرکٹس سے متعلق مقامات کے بارے میں تفصیلی معلومات دی گئی ہیں۔ ہر سرکٹ کے تحت آنے والے مقامات کی تاریخ، مذہبی اہمیت اور وہاں دستیاب سیاحتی سہولیات کی تفصیلات بھی دستیاب ہیں۔ اس کے ساتھ محکمہ سیاحت کے زیر اہتمام ہونے والے تمام سالانہ پروگرام اس ویب سائٹ پر دکھائے گئے ہیں، تاکہ سیاح ان تقریبات کے بارے میں پیشگی معلومات حاصل کر کے اپنے سفر کی منصوبہ بندی کر سکیں۔ اس کے ساتھ ویب سائٹ پر تسلیم شدہ ٹورسٹ گائیڈز، ٹور آپریٹرز اور ہوٹلوں کی فہرست بھی موجود ہے۔

ہندوستھان سماچار

ہندوستان سماچار / Mohammad Afzal Hassan