نئی دہلی، 23 جون (ہ س)۔ گھریلو شیئر بازار میں آج فروخت کا دباؤ ہے۔ آج کا کاروبار بھی کمزوری کے ساتھ شروع ہوا۔ تاہم مارکیٹ کھلتے ہی شیئر بازار نے خریداری کا سہارا لے کر سنبھلنے کی کوشش کی تاہم اس کے فوراً بعد ہی آل راؤنڈ فروخت شروع ہوگئی۔ بازار میں لگاتار خرید و فروخت کے درمیان صبح 10 بجے تک کاروبار کے بعد سینسیکس 1.02 فیصد اور نفٹی 1.04 فیصد کی گراوٹ کے ساتھ کاروبارکر رہا تھا۔
صبح 10 بجے تک کاروبار کے بعد شیئر بازار کے بڑے اسٹاکس میں بھارت الیکٹرانکس، نیسلے، او این جی سی اور ٹرینٹ لمیٹڈ کے شیئر 1.27 فیصد سے 0.70 فیصد کی مضبوطی کے ساتھ تجارت کر رہے تھے۔ دوسری طرف، شری رام فائنانس، انفوسس، ہیرو موٹو کارپ، ہندوستان یونی لیور اور مہندرا اینڈ مہندرا کے شیئروں میں 2.56 فیصد سے 1.55 فیصد کی کمی کے ساتھ کاروبار دیکھا گیا۔
اب تک، شیئر بازار میں 2,424 شیئروں کی فعال تجارت ہوئی تھی۔ ان میں سے 721 شیئر سبز نشان پر منافع میں جبکہ 1703 شیئر سرخ نشان پرتجارت کررہے تھے۔ اسی طرح سینسیکس میں شامل 30 اسٹاکس میں سے صرف ایک اسٹاک ہی سبز نشان میں رہا جس میں خریداری کی حمایت تھی۔ دوسری طرف، فروخت کے دباؤ کی وجہ سے 29 اسٹاک سرخ نشان میں تجارت کر رہے تھے، جب کہ نفٹی میں شامل 50 اسٹاکس میں سے 4 اسٹاک سبز نشان میں اور 46 اسٹاک سرخ نشان میں تجارت کرتے دیکھے گئے۔
بی ایس ای سینسیکس آج 704.10 پوائنٹس کی کمی کے ساتھ 81,704.07 پوائنٹس پر کھلا۔ کاروبار شروع ہوتے ہی خریداری کی حمایت کی وجہ سے انڈیکس پہلے ہی منٹ میں 81,984.44 پوائنٹس تک چھلانگ لگا، لیکن یہ اضافہ برقرار نہ رہ سکا۔ اس کے فوراً بعد مارکیٹ میں فروخت کے دباؤ کی وجہ سے اس انڈیکس کی حرکت میں کمی آئی۔ بازار میں مسلسل خرید و فروخت کے درمیان صبح 10 بجے تک تجارت کے بعد، سینسیکس 844.23 پوائنٹس کی کمزوری کے ساتھ 81,563.94 پوائنٹس کی سطح پر تجارت کر رہا تھا۔
سینسیکس کی طرح، این ایس ای کے نفٹی نے آج 172.65 پوائنٹس گر کر 24,939.75 پوائنٹس کی سطح پر تجارت شروع کی۔ جیسے ہی مارکیٹ کھلی، یہ انڈیکس 24,988.10 پوائنٹس کی سطح کو چھلانگ لگا، لیکن اس کے فوراً بعد فروخت شروع ہونے کی وجہ سے اس کی گراوٹ بڑھتی ہی چلی گئی۔ بازار میں مسلسل خرید و فروخت کے درمیان صبح 10 بجے تک تجارت کے بعد نفٹی 260.20 پوائنٹس کی کمزوری کے ساتھ 24,852.20 پوائنٹس کی سطح پر ٹریڈ کر رہا تھا۔ اس سے قبل گزشتہ ہفتے کے آخری کاروباری دن جمعہ کو سینسیکس 1,046.30 پوائنٹس یا 1.29 فیصد اضافے کے ساتھ 82,408.17 پوائنٹس پر بند ہوا۔ دوسری طرف، نفٹی نے جمعہ کی تجارت 319.15 پوائنٹس یا 1.29 فیصد کی چھلانگ کے ساتھ 25,112.40 پوائنٹس پر ختم کی۔
ہندوستھان سماچار
---------------
ہندوستان سماچار / عبدالواحد
