برلن، 22 جون (ہ س)۔ ہندوستانی جونیئر ہاکی ٹیم نے برلن کے ٹی سی 1899 بلاؤ ویس اسٹیڈیم میں 4 ملکی ٹورنامنٹ میں اپنے دوسرے میچ میں آسٹریلیا پر 1-3 کی شاندار جیت درج کی۔ ہندوستان کی جانب سے شردانند تیواری (15ویں منٹ)، سوربھ آنند کشواہا (36ویں منٹ) اور عامر علی (43ویں منٹ) نے گول کیے جبکہ آسٹریلیا کی جانب سے واحد گول اولیور ول (55ویں منٹ) نے کیا۔

ہندوستانی ٹیم نے میچ کا آغاز مضبوطی سے کیا اور 15ویں منٹ میں شردانند تیواری نے پنالٹی کارنر کو گول میں بدل کر اپنی ٹیم کو برتری دلا دی۔ پہلے ہاف کے بقیہ حصے میں دونوں ٹیموں نے سخت مقابلہ کیا لیکن کوئی گول نہ ہوسکا۔ ہندوستانی ٹیم نے تیسرے کوارٹر میں لگاتار دو گول کر کے اپنی تال برقرار رکھی۔ 36ویں منٹ میں سوربھ آنند کشواہا نے آسٹریلوی گول کیپر کو ہرا کر ایک اہم فیلڈ گول کر کے ہندوستان کی برتری کو مزید مضبوط کر دیا۔ اس کے کچھ دیر بعد 43ویں منٹ میں عامر علی نے گول کر کے بھارت کو فتح کے قریب پہنچا دیا۔

میچ کے آخری کوارٹر میں آسٹریلیا بھی اولیور ول کے گول کی بدولت پانچ منٹ باقی رہ کر ایک گول کرنے میں کامیاب رہا۔ تاہم وہ مزید دو گول نہ کر سکے اور ہندوستانی ٹیم نے یہ میچ 1-3 سے جیت لیا۔ ہندوستانی ٹیم کا اگلا مقابلہ اسی مقام پر 24 جون کو اسپین کے خلاف ہوگا۔

---------------

ہندوستان سماچار / عبدالسلام صدیقی