رودرپریاگ، 21 جون (ہ س)۔

کیدارناتھ کے لیے ہیلی کاپٹر سروس ساتویں دن بھی گپت کاشی، پھٹا اور شیرسی سے نہیں چلائی جا سکی۔ جس کی وجہ سے بابا کیدارناتھ کے درشن کی خواہش لے کر آئے ہوئے سینکڑوں عقیدت مند بغیر درشن کیے واپس لوٹنے پر مجبور ہو گئے۔

کیدارناتھ ہیلی کاپٹر سروس کے نوڈل افسر راہل چوبے نے بتایا کہ خراب موسم کی وجہ سے ہیلی کاپٹر نہیں چل سکا۔انہوں نے بتایا کہ تمام ہیلی کاپٹر کمپنیوں کی اتوار کو واپسی متوقع ہے۔

ہفتہ کی صبح سے کیدارناتھ سمیت کیدارگھاٹی میں ہلکی دھند چھائی ہوئی تھی جس کی وجہ سے گپتکاشی سے ٹرانس بھارت، پھاٹا اور شیرسی سے پون ہنس، گلوبل ویکٹرا، ہمالین ہیلی اور ایرو ہیلی کمپنی کے ہیلی کاپٹروں نے ٹیک آف نہیں کیا۔ اس دوران ان کمپنیوں کے پاس کل 658 ٹکٹس بک کرائے گئے، جنہیں منسوخ کر دیا گیا۔

ہیلی کاپٹر کے آپریشن نہ ہونے کی وجہ سے بابا کیدار کے دیدار کے لیے آنے والے زیادہ تر عقیدت مند خالی ہاتھ اپنے گھروں کو لوٹ گئے۔ ہیلی کاپٹر کمپنیوں کے ہیلی کاپٹر 15 جون سے اپنے اپنے ہیلی پیڈ پر کھڑے ہیں۔

ہندوستھان سماچار

ہندوستان سماچار / عطاءاللہ