آسمانی بجلی گرنے سے دو کی موت، دو زخمی

شیو پوری، 20 جون (ہ س)۔

شیو پوری ضلع کے کھنیادھانا تھانہ علاقہ کے دیوری سینوال گاوں میں جمعرات کی شام ایک افسوسناک واقعہ پیش آیا۔ کھیت میں کام کرنے والے چار کسانوں پر آسمانی بجلی گر گئی۔ دو کسانوں کی موقع پر ہی موت ہو گئی، جبکہ دو شدید جھلس گئے۔

جمعرات کی شام تقریباً پانچ بجے گاوں میں موسلادھار بارش شروع ہوئی۔ اس دوران کھیت میں کام کرنے والے کسان میوالال لودھی (62)، کیلاش لودھی (50)، رامنیواس کشواہا (50) اور رگھوور لودھی (60) پر آسمانی بجلی گر گئی۔اس المناک حادثے میں میوالال اور کیلاش کی موقع پر ہی موت ہو گئی، جبکہ رامنیواس اور رگھوور شدید زخمی ہو گئے۔ زخمیوں کو فوری طور پر کھنیادھانا کے کمیونٹی ہیلتھ سینٹر میں داخل کرایا گیا۔

واقعہ کی اطلاع تحصیلدار کھنیادھانا اور ایس ڈی ایم پچھور کو دے دی گئی ہے۔ انتظامیہ نے جاں بحق افراد کے لواحقین کو مالی امداد فراہم کرنے کا عمل شروع کر دیا ہے۔

آسمانی بجلی گرنے سے دو کسانوں کی موت ہو گئی۔ ایک ساتھ دو کسانوں کی موت سے گاوں میں غم کا ماحول ہے۔ لوگ غمزدہ خاندانوں کے گھر جا کر انہیں تسلی دے رہے ہیں۔ واقعہ کی اطلاع ملتے ہی تھانہ کھنیادھانا پولیس موقع پر پہنچ گئی اور متوفی کی لاشوں کو پوسٹ مارٹم کے لیے بھیج دیا۔ پولیس نے کیس درج کرکے معاملے کی تحقیقات شروع کردی ہے۔

ہندوستھان سماچار

ہندوستان سماچار / انظر حسن