جونپور، 02 جون (ہ س)۔ پولیس سپرنٹنڈنٹ ڈاکٹر کوستوبھ کی طرف سے بدمعاشوں کے خلاف چلائی جا رہی مہم کے تحت تین الگ الگ پولیس تھانہ علاقوں، لائن بازار کھیتاسرائے، جلالپور میں اتوار کی دیر رات ہونے والے انکاو¿نٹر میں گائے کے ایک اسمگلر سمیت تین بدمعاشوں کے پیر میں گولی لگی ہے۔ پولیس نے سبھی کو گرفتار کرکے علاج کے لیے اسپتال میں داخل کرایا جہاں ان کا علاج جاری ہے۔
کھیتاسرائے پولیس اسٹیشن کے تحت منی کلاں کے قریب ایریا مجسٹریٹ شاہ گنج اجیت سنگھ چوہان کے ذریعہ چیکنگ کے دوران، کھیتاسرائی پولیس ٹیم اور ایک بائک سواربدمعاش کے درمیان تصادم میں، دونوں طرف سے فائرنگ میں بدمعاش کے پیر میں گولی لگی۔ پولیس نے اسے موقع سے گرفتار کر لیا۔ پولیس نے گرفتار بدمعاش منیش یادو سے ایک پستول، کارتوس اور ایک بائک برآمد کی ہے۔
وہیں، لائن بازار تھانے کے ایس ایچ او ستیش سنگھ رات کے وقت اپنی ٹیم کے ساتھ گشت کر رہے تھے کہ ایک مخبر کی اطلاع کی بنیاد پر تھانہ علاقے کے نیوادہ انڈر پاس کے قریب کسی واردات کو انجام دینے کے لئے جمع ہونے والے بدمعاشوں کا پولیس انتظار کرنے لگی۔ تب ہی سامنے سے پیدل آ رہے ایک شخص کو رکنے کا اشارہ کیا گیا تو اس نے پولیس پر فائرنگ کر دی۔
پولیس کی جانب سے اپنے دفاع میں کی گئی فائرنگ میں اس کی ٹانگ میں گولی لگ گئی۔ پولیس نے اسے موقع پر ہی گرفتار کرلیا اور جب اس کا نام پوچھا تو اس نے اپنا نام نسیم احمد عرف کلو کنگالی ولد محمد رشید ساکن کھیتاسرائے تھانہ بتایا۔ پولیس نے اس کے پاس سے ایک 32 بور پستول، کارتوس اور 660 روپے نقدی برآمد کی۔ اس کی مجرمانہ تاریخ طویل ہے اور اس کا نام کھیتاسرائے پولیس اسٹیشن میں جانوروں کی اسمگلنگ کیس میں ہے۔
واقعہ کی اطلاع ملتے ہی سرکل آفیسر دیویش کمار سنگھ موقع پر پہنچے اور مجرم سے پوچھ گچھ کی۔ اسی سلسلے میں جلال پور تھانے کے تحت ایس ایچ او تروینی سنگھ وارانسی لکھنو¿ روڈ پر ریہٹی گاو¿ں کے قریب ہائی وے پر چیکنگ کر رہے تھے کہ ایک بائک سوار وارانسی کی طرف سے پولیس والوں کی طرف آتے نظر آئے۔ جب موٹرسائیکل روکی گئی تو وہ بھاگنے لگا اور جب پولیس نے اس کا پیچھا کیا تو اس نے پولیس پر فائرنگ کردی۔ پولیس کی جانب سے اپنے دفاع میں چلائی گئی گولی مجرم کی ٹانگ میں لگی۔
موقع پر پہنچ کر پولیس نے زخمی مجرم کو علاج کے لیے اسپتال میں داخل کرایا جہاں پوچھ گچھ پر اس نے اپنا نام کشن سروج ولد رام چندر سروج ساکن سید پور تھانہ جلالپور بتایا۔ اس کے قبضے سے 315 بور کا پستول، کارتوس اور ایک موٹر سائیکل برآمد ہوئی۔ پولیس نے ملزمان کے خلاف مقدمہ درج کر کے مزید قانونی کارروائی شروع کر دی ہے۔
ہندوستھان سماچار
ہندوستان سماچار / محمد شہزاد
