زاید خان اور ایشا دیول کئی فلموں میں ایک ساتھ نظر آئے ہیں۔ یہ اداکار 'چرا لیا ہے تم نے'، 'دس'، 'کیش' جیسی کئی فلموں میں ایک ساتھ نظر آئے ہیں۔ کئی فلموں میں ایک ساتھ کام کرتے ہوئے یہ افواہیں پھیل گئیں کہ یہ دونوں ایک دوسرے کو ڈیٹ کر رہے ہیں۔ اب ایک حالیہ انٹرویو میں زاید خان نے اس پر بیان دیا ہے۔ انہوں نے کہا کہ یہ سب باتیں جھوٹی ہیں۔ میں جس لڑکی کو کافی دنوں سے ڈیٹ کر رہا تھا وہ اب میری بیوی ہے۔ ایشا دیول صرف میری بہت اچھی دوست ہے۔

زاید نے کہا، میں ایشا دیول کے ساتھ کبھی بھی رشتے میں نہیں تھا۔ ہم نے ایک ساتھ کئی فلمیں کی ہیں۔ اس وقت میری بیوی ملائکہ میری گرل فرینڈ تھیں اور ملائکہ اور ایشا ہمیشہ سے اچھی دوست رہی ہیں۔ ایشا بہت پیاری لڑکی ہے۔ وہ میری زندگی کی بہترین دوست ہے۔

اسی انٹرویو میں زاید خان نے ایشوریہ رائے کے ساتھ کام کرنے کے اپنے تجربے کے بارے میں بھی بتایا۔ دونوں نے فلم 'شبد' میں ایک ساتھ کام کیا ہے۔ اداکار نے کہا، شبد ایک ایسی فلم تھی جس میں ایک شادی شدہ عورت کو ایک نوجوان لڑکے سے پیار ہو جاتا ہے۔ میں نے جو بھی فلمیں منتخب کیں وہ اپنے وقت سے پہلے کی تھیں۔ 'شبد' کی کہانی اچھی تھی۔ فلم ایسے وقت میں ریلیز ہوئی جب لوگ ایسی کہانی والی فلمیں دیکھنے کو تیار نہیں تھے۔

اداکار کا مزید کہنا تھا کہ 'جب ایشوریہ مس ورلڈ بنی تو میں ان کا بہت بڑا مداح تھا، میں ان کی تصویر اپنے لاکر روم میں رکھتا تھا، جب میں نے فلم کا سکرپٹ سنا اور مجھے معلوم ہوا کہ ایشوریا فلم میں ہیں تو میں نے فوراً پروڈیوسرز سے پوچھا کہ مجھے کنٹریکٹ کہاں سائن کرنا چاہیے، میں ان کا بہت بڑا مداح تھا، ان کے ساتھ کام کرنے کا میرا تجربہ بہت اچھا رہا'۔

زاید خان نے کہا، ایشوریہ رائے کو اچھی طرح سمجھ ہے کہ کسی کے ساتھ کیسے برتاؤ کرنا ہے۔ میں ان کا مداح تھا، اس لیے میں سوچ رہا تھا کہ ان کے ساتھ بات چیت کیسے شروع کی جائے۔ لیکن وہ خود مجھ سے بہت آرام سے بات کرنے لگیں۔ وہ واقعی بہت خوبصورت ہیں آج کل لوگ تصویروں میں فلٹر استعمال کرتے ہیں لیکن ایشوریہ کا اپنا قدرتی فلٹر ہے۔

ادھر اگر زاید کے کام کی بات کریں تو اتنی فلموں میں کام کرنے کے باوجود انہیں مسائل کا سامنا کرنا پڑا۔ 2009 میں فلم 'بلیو' کی ناکامی کے بعد اداکار فلموں میں زیادہ نظر نہیں آئے۔ اس کے بعد وہ 2015 میں فلم 'شرافت گئی تل لینے' میں بڑے پردے پر نظر آئے تھے۔

ہندوستھان سماچار

---------------

ہندوستان سماچار / عبدالواحد