بنگلورو، 17 جون (ہ س)۔ کرناٹک ہائی کورٹ نے منگل کو بنگلورو کے چناسوامی اسٹیڈیم کے قریب بھگدڑ کیس کی سماعت کی اور کرناٹک اسٹیٹ کرکٹ اکیڈمی، رائل چیلنجرز بنگلور فرنچائز اور ڈی این اے انٹرٹینمنٹ نیٹ ورک پرائیویٹ لمیٹڈ کے خلاف نوٹس جاری کرتے ہوئے انہیں مدعا بنایا۔ عدالت نے بھگدڑ کیس کا ازخود نوٹس لیا تھا۔ کرناٹک ہائی کورٹ کی دو رکنی بنچ نے کرناٹک اسٹیٹ کرکٹ اکیڈمی، رائل چیلنجرز بنگلور فرنچائز اور ڈی این اے انٹرٹینمنٹ نیٹ ورک پرائیویٹ لمیٹڈ کو اس کیس میں مدعا علیہ بنایا ہے۔ عدالت کی جانب سے مذکورہ تمام افراد کو نوٹس جاری کر دیے گئے ہیں۔ ان سے کہا گیا ہے کہ وہ مقررہ وقت میں اعتراضات داخل کریں۔ یہ حکم جسٹس وی کامشور راو¿ اور جسٹس سی ایم جوشی پر مشتمل دو رکنی عارضی بنچ نے دیا۔اس سے قبل سماعت کے دوران، ایڈوکیٹ جنرل ششیکرن شیٹی، جو حکومت کی طرف سے پیش ہوئے، نے بنچ کو مہر بند لفافے میں واقعہ کے بارے میں معلومات پر مشتمل ایک حقیقت پر مبنی رپورٹ پیش کی۔ تاہم، درخواست دائر کرنے والے وکلاءنے اس پر اعتراض کرتے ہوئے کہا کہ اس سے شفافیت برقرار نہیں رہ سکتی اور رپورٹ کو عام کیا جانا چاہیے۔اس کے جواب میں حکومت نے واضح کیا کہ اس وقت مکمل معلومات ظاہر نہیں کی جا سکتیں کیونکہ اس کیس کی مجسٹریل اور عدالتی تحقیقات جاری ہیں۔ تاہم حتمی رپورٹ عوامی سطح پر عدالت میں پیش کی جائے گی۔

درخواست گزار کے وکیل نے متاثرین کے لیے مزید معاوضے کا بھی مطالبہ کیا ہے۔ ایک اور درخواست گزار کے وکیل نے بنچ کی توجہ مبذول کراتے ہوئے کہا کہ ودھان سبھا، کستوربا روڈ وغیرہ ممنوعہ علاقے ہونے کے باوجود اتنے لوگ کیسے جمع ہوئے؟ محکمہ انٹیلی جنس مکمل طور پر ناکام ہو چکا ہے۔عرضی کی سماعت کے سلسلے میں حکومت کی جانب سے دلائل دینے کے لیے سینئر وکیل ادے ہولا کو مقرر کیا گیا ہے۔ بنچ نے اشارہ کیا کہ اس معاملے میں عدالت کی مدد کے لیے ایک امیکس کیوری کی تقرری کی ضرورت ہے اور اگلی سماعت پیر کی سہ پہر تک ملتوی کر دی۔قابل ذکر ہے کہ چناسوامی اسٹیڈیم کے قریب آئی پی ایل میچ میں آر سی بی کی جیت کے جشن کے دوران بھگدڑ مچنے سے 11 افراد ہلاک اور 50 سے زیادہ زخمی ہوگئے تھے۔ ہائی کورٹ نے اس معاملے کا ازخود نوٹس لیتے ہوئے درخواست دائر کی تھی۔

ہندوستھان سماچار

ہندوستان سماچار / Mohammad Khan