کولکاتہ، یکم جون (ہ س)۔ مرکزی وزیر داخلہ امت شاہ نے اتوار کو کولکاتہ کے نیتا جی انڈور اسٹیڈیم میں منعقدہ ایک ریلی سے خطاب کرتے ہوئے مغربی بنگال کی وزیر اعلیٰ ممتا بنرجی پر سخت حملہ کیا۔ انہوں نے کہا کہ جو بھی بھارت کا امن خراب کرنے کی کوشش کرے گا اسے منہ توڑ جواب دیا جائے گا۔امت شاہ نے کہا کہ ہندوستانی فوج نے پاکستان کے اندر 100 کلومیٹر اندر جاکر دہشت گردوں کے ٹھکانوں کو تباہ کیا اور 100 سے زائد دہشت گردوں کو ہلاک کیا، لیکن اس کامیابی نے ممتا دیدی کے پیٹ میں درد کر دیا۔ وزیر داخلہ نے الزام لگایا کہ اس مہم کی کامیابی کے بعد جب وزیر اعظم نریندر مودی بنگال آئے تو ممتا بنرجی نے سیاسی طور پر اس کی مخالفت کی اور’آپریشن سندور‘ کے بارے میں قابل اعتراض بیان دیا۔ وزیراعلیٰ نے وزیراعظم کا ساتھ دینے کے بجائے ماو¿ں بہنوں کے جذبات سے کھیلا۔قابل ذکر ہے کہ گزشتہ ہفتے ممتا بنرجی نے ’آپریشن سندور‘ کے نام کو’سیاسی‘ قرار دیا تھا۔ ان کا یہ بیان اسی دن آیا جب وزیر اعظم مودی نے علی پور دوار میں ایک جلسہ عام میں بدعنوانی، خواتین کی حفاظت اور ہندوو¿ں پر مظالم جیسے مسائل پر ریاستی حکومت اور ترنمول کانگریس پر حملہ کیا تھا۔وزیر داخلہ نے الزام لگایا کہ وزیر اعلیٰ نے بین الاقوامی سرحد پر خاردار باڑ لگانے کے لیے بارڈر سیکورٹی فورس (بی ایس ایف) کو زمین الاٹ نہیں کی۔ انہوںنے دعویٰ کیا کہ وہ غیر قانونی دراندازی جاری رکھنا چاہتی ہے تاکہ اس کی حکومت جاری رہے اور اس کا بھتیجا بعد میں وزیراعلیٰ بن سکے۔امت شاہ نے وعدہ کیا کہ اگر 2026 کے اسمبلی انتخابات میں بی جے پی اقتدار میں آتی ہے تو پارٹی کارکنوں کے قتل میں ملوث افراد کو ڈھونڈ کر سزا دی جائے گی۔ ریاست میں انتظامیہ کی ہر سطح پر بدعنوانی کا الزام لگاتے ہوئے انہوں نے کہا کہ ترنمول کانگریس کے لیڈروں کو اس کا فائدہ ہوا جبکہ عام لوگوں کو نقصان اٹھانا پڑا۔انہوں نے مرشد آباد میں فسادات کا ذکر کرتے ہوئے کہا کہ اگر مرکزی نیم فوجی دستے پہلے تعینات کر دیے جاتے تو ہندوو¿ں کی جان بچائی جا سکتی تھی۔ شاہ نے یہ بھی الزام لگایا کہ ان فسادات میں ترنمول کے منتخب نمائندوں کا ملوث ہونا اب ثابت ہو گیا ہے۔ہندوستھان سماچار

ہندوستان سماچار / Mohammad Khan