نئی دہلی، 09 مئی (ہ س)۔ جنوبی افریقہ کی مردوں کی کرکٹ ٹیم کے کوچ شکری کونراڈ کو اب کرکٹ کے تینوں فارمیٹس کے لیے ٹیم کا کوچ مقرر کر دیا گیا ہے۔جنوبی افریقی کرکٹ بورڈ نے جمعہ کو ایک بیان میں کہا،”کرکٹ جنوبی افریقہ کو شکری کونراڈ کی پروٹیاز مینز ٹیم کے آل فارمیٹ ہیڈ کوچ کے طور پر تقرری کا اعلان کرتے ہوئے خوشی ہو رہی ہے۔“

بورڈ نے مزید کہا کہ جنوری 2023 سے ٹیسٹ ٹیم کی قیادت کر رہے کونراڈ اب جولائی میں زمبابوے اور نیوزی لینڈ کے خلاف ٹی 20 انٹرنیشنل سہ فریقی سیریز سے شروع ہو نے والے وائٹ بال فارمیٹس کی ذمہ داری سنبھالیں گے ۔ 58 سالہ کونراڈ آئی سی سی مینز کرکٹ ورلڈ کپ 2027 تک تمام فارمیٹس میں قومی ٹیم کی نگرانی کریں گے، جس کی میزبانی ہوم سرزمین پر ہوگی۔

کونراڈ نے روب والٹر کی جگہ لی، جن کا وائٹ بال کے کردار سے استعفیٰ اپریل کے آخر میں موثر ہو گیا۔ کونراڈ 2027 کے آئی سی سی ون ڈے ورلڈ کپ تک انچارج رہیں گے، جو جنوبی افریقہ، زمبابوے اور نمیبیا میں کھیلے جائیں گے۔

ہندوستھان سماچار

ہندوستان سماچار / محمد شہزاد