نئی دہلی، 8 مئی (ہ س)۔

فٹ انڈیا موومنٹ کے تحت منعقد کی جانے والی 'فٹ انڈیا سائیکلنگ ریلی' 9 مئی 2025 کو چنئی میں منعقد ہوگی۔ اس ریلی کی قیادت نوجوانوں کے امور اور کھیل کے مرکزی وزیر ڈاکٹر منسکھ مانڈ ویہ کریں گے۔ ریلی صبح 6.30 بجے تاریخی وار میموریل سے شروع ہوگی اور وہیں پر اختتام پذیر ہوگی۔

سائیکلنگ کا راستہ شہر کے ضرور دیکھنے والے مقامات سے گزرے گا، بشمول نیپیئر برج اور مرینا بیچ جیسے اہم نشانات۔ یہ راستہ شرکاء کو چنئی کے خوبصورت ساحلی علاقوں کا تجربہ کرنے کی اجازت دے گا۔

ریلی شروع ہونے سے پہلے، ایک زومبا اور یوگا سیشن صبح 6:00 بجے سے وار میموریل کے بالمقابل آئی لینڈ گراو¿نڈ میں منعقد کیا جائے گا، جو شرکائ کے لیے ایک پرجوش وارم اپ ہوگا۔

ریلی کو باضابطہ طور پر سابق ہاکی اولمپین اور 1980 میں اولمپک گولڈ میڈل جیتنے والی ہندوستانی ٹیم کے کپتان وی بھاسکرن جھنڈی دکھا کر روانہ کریں گے۔ ان کے ساتھ ایشیائی کھیلوں کے ایک ہی ایڈیشن میں دو گولڈ میڈل جیتنے والے واحد ہندوستانی اسکواش کھلاڑی ہریندر پال سندھو بھی ہوں گے۔

اس ایونٹ میں اسپورٹس اتھارٹی آف انڈیا (سائی)، تمل ناڈو اسپورٹس ڈیولپمنٹ اتھارٹی کے کھلاڑی اور چنئی کے سائیکلنگ کے شوقین افراد پرجوش انداز میں شرکت کریں گے۔

'فٹ انڈیا موومنٹ' کے تحت پورے ملک میں لوگوں کو فٹنس اور صحت کے بارے میں بیدار کرنے کی طرف یہ ایک اور بڑا قدم ہے۔ 'سنڈے آن سائیکل' جیسے ایونٹس کی طرح، یہ چنئی ایڈیشن ایک دلچسپ ایونٹ ہوگا جو صحت، جشن اور کمیونٹی کے جذبے کی علامت ہوگا۔

ہندوستھان سماچار

ہندوستان سماچار / عطاءاللہ