نئی دہلی، 23 مئی (ہ س)۔ ڈاکٹر کرنی سنگھ شوٹنگ رینج میں منعقدہ دوسرے شاٹ گن نیشنل ٹرائلز کے سکیٹ ایونٹ کے فائنل میں اولمپئن معراج احمد خان اور گنیمت سیکھون سرفہرست رہے۔

معراج نے فائنل میں پیرس اولمپکس کے شریک اننتجیت سنگھ ناروکا کو ایک پوائنٹ سے شکست دینے کے لیے 55 کا اسکور حاصل کئے، جبکہ اس کے مد مقابل نے نے 54 اسکور حاصل کئے۔ گنیمت نے بھی ایک پوائنٹ 53 کے فرق سے جیت حاصل کی، جبکہ مہیشوری چوہان نے 52 پوائنٹس بنائے۔ انگد ویر سنگھ باجوہ اور پریناز دھالیوال نے بالترتیب مردوں اور خواتین کے زمرے میں تیسرا مقام حاصل کیا۔

قبل ازیں کوالیفکیشن کے آخری دو راؤنڈز میں، بھاوتیگھ سنگھ گل نے 22 اور 24 اسکور بنائے اور ان کا مجموعی اسکور 73 تک پہنچا، جو کہ پہلی پوزیشن کے لیے کافی ہے۔ معراج نے مجموعی طور پر 118 اسکور بنائے، جبکہ سمیت سنگھ (117) انگد (116) اور اننت جیت (115) نے ٹاپ چھ کوالیفائر میں جگہ بنائی۔

خواتین کے زمرے میں، گنیمت نے کوالیفکیشن راؤنڈ میں 114 پوائنٹس کے ساتھ پہلا مقام حاصل کیا۔ مہیشوری اور پریناز نے 113-113 پوائنٹس حاصل کیے۔ اوشمی شریواس (108)، درشنا راٹھور (107، SO-3)، اور مانسی رگھوونشی (107، SO-2) نے ٹاپ چھ کو مکمل کیا۔

جونیئر کیٹیگری کے لیے علیحدہ سلیکشن ٹرائلز نہیں ہوئے تھے۔ اس لیے اوشمی اور مانسی کو ان کے اسکور کی بنیاد پر بالترتیب پہلا اور دوسرا مقام دیا گیا۔ اگریما کنور نے 104 نمبر لے کر تیسری پوزیشن حاصل کی۔

مردوں کے جونیئر زمرے میں، یووان 110 پوائنٹس کے ساتھ پہلے نمبر پر رہے، جبکہ یشوردھن سنگھ راجاوت (108) اور انجنیا سنگھ منڈاوا (106) بالترتیب دوسرے اور تیسرے نمبر پر رہے۔

سلیکشن کمیٹی ان جونیئر ایتھلیٹس کے اسکور کی بھی توثیق کرے گی جو جرمنی کے شہر سہل میں منعقد ہونے والے آئی ایس ایس ایف جونیئر ورلڈ کپ میں حصہ لے رہے ہیں، جیسا کہ سلیکشن ٹرائلز-2 اور یہ مقابلہ ایک ہی وقت میں منعقد ہو رہا ہے۔ ایسے کھلاڑیوں کے اسکور کو ’’صفر‘‘ نہیں سمجھا جائے گا۔

---------------

ہندوستان سماچار / عبدالسلام صدیقی