کولکاتا، 23 مئی (ہ س)۔ بھارت میں پولیو کے خاتمے اور خسرہ کی نگرانی کی مہموں میں کلیدی کردار ادا کرنے والے کولکاتا میں پیدا ہونے والے، امریکہ میں مقیم ڈاکٹر آنند بندھوپادھیائے کو عالمی سطح پر باوقار آئی وی آئی– ایس کے بایو سائنس پارک مہنہون پرائز سے نوازا گیا ہے۔

گیٹس فاو¿نڈیشن سے وابستہ 45 سالہ ڈاکٹر بندھوپادھیائے کو بیلجیئم کی یونیورسٹی آف اینٹورپ کے پروفیسر پیئر ے وان ڈیم کے ساتھ مشترکہ طور پر یہ انعام دیا گیا۔ یہ اعزاز دونوں سائنسدانوں کو بالخصوص پولیو کی نئی ویکسین کی تیاری اور اس کے موثر استعمال پر دیا گیا ہے۔

یہ ایوارڈ انٹرنیشنل ویکسین انسٹی ٹیوٹ ( آئی وی آئی) کی طرف سے دیا گیا، جو دنیا کی واحد بین الاقوامی تنظیم ہے جو عالمی صحت کے لیے ویکسین کی دریافت، ترقی اور فراہمی کے لیے وقف ہے۔ سال 2025 کے لیے ایوارڈز کی یہ تقریب 30 اپریل کو منعقد ہوئی۔

اعزاز حاصل کرنے کے بعد، ڈاکٹر بندھوپادھیائے نے کہا، ”اس طرح کا باوقار ایوارڈ حاصل کرنا انتہائی متاثر کن ہے۔ یہ مستقبل کے تحقیقی کام کے لیے ایک عظیم توانائی کو فروغ دینے والا ہے۔ یہ اعزاز پولیو کے مکمل خاتمے کے لیے وقف عالمی شراکت داری اور اجتماعی کوششوں کی علامت ہے۔“

ڈاکٹر بندھوپادھیائے کو یہ اعزاز طبی دنیا میں ہندوستان کے لیے ایک بڑی کامیابی قرار دیا جا رہا ہے۔ ان کے کام نے نہ صرف ہندوستان بلکہ عالمی سطح پر صحت عامہ کی کوششوں کو ایک نئی سمت دی ہے۔

ہندوستھان سماچار

ہندوستان سماچار / محمد شہزاد