نئی دہلی، 22 مئی (ہ س)۔ سپریم کورٹ نے تمل ناڈو حکومت کے شراب کے ٹھیکوں کی ای ڈی کی تحقیقات پر روک لگا دی ہے۔ چیف جسٹس بی آر گاوائی کی سربراہی والی بنچ نے کہا کہ ای ڈی تمام حدیں پار کر رہی ہے۔ وہ کسی کارپوریشن پر کیسے چھاپہ مار سکتی ہے۔ آپ ملک کے وفاقی ڈھانچے کی خلاف ورزی کر رہے ہیں۔

اس سے پہلے مدراس ہائی کورٹ نے تمل ناڈو حکومت کی عرضی کو مسترد کر دیا تھا۔ 23 اپریل کو مدراس ہائی کورٹ نے تمل ناڈو اسٹیٹ مارکیٹنگ کارپوریشن کی عرضی کو مسترد کرتے ہوئے ای ڈی کی کارروائی کو منظوری دی تھی۔ مدراس ہائی کورٹ کے اس حکم کو تمل ناڈو حکومت نے سپریم کورٹ میں چیلنج کیا تھا۔

ای ڈی نے 6 اور 8 مارچ کو ریٹیل اسٹورز پر چھاپہ مارا تھا۔ تمل ناڈو حکومت نے کہا کہ اس کے اہلکاروں کو ای ڈی نے تشدد کا نشانہ بنایا اور چھاپے کے دوران گھنٹوں حراست میں رکھا۔ تمل ناڈو حکومت نے کہا کہ ای ڈی کے چھاپے سیاسی بدنیتی کی وجہ سے مارے گئے۔ ریاستی حکومت نے کہا کہ چھاپے مارنے سے پہلے ای ڈی کو ریاستی حکومت سے اجازت لینی چاہیے۔

---------------

ہندوستان سماچار / عبدالسلام صدیقی