جمنا نگر، 12 مئی (ہ س)۔

جمنا نگر ضلع میں لوگوں کو فرضی ہاو¿سنگ اسکیم کے تحت گروگرام میں فلیٹ فراہم کرنے کے نام پر لاکھوں روپے کا دھوکہ دیا گیا۔ شکایت کنندہ کے بیان کی بنیاد پر پولیس نے دہلی کے ایک رئیل اسٹیٹ مالک اور اس کے دو ساتھیوں کے خلاف مقدمہ درج کیا ہے۔ ملزمین نے اسکیم کے تحت گروگرام میں سستے داموں فلیٹ فراہم کرنے میں دھوکہ دہی کی ہے۔

پیر کو پولیس کو دی گئی شکایت میں، آزاد نگر گلی نمبر 11،جمنا نگر کے رہنے والے ہنی گلاٹی نے کہا کہ اسے اس اسکیم کے بارے میں 7 ستمبر 2024 کو ایک جاننے والے سے معلوم ہوا، اس پر اس نے دہلی کے رہائشی آکاش لوہیا، جے ایم ڈی اسٹیٹ سیلز پرچیز کے مالک، اس کے ساتھی لوہی اور سانکا لوہی سے بات کی۔ ملزم نے اسے گروگرام میں ایک مبینہ ہاو¿سنگ اسکیم کے تحت سستے فلیٹ دینے کا وعدہ کیا اور اسے بتایا کہ 419 مربع گز کے ہر فلیٹ کی قیمت 4.76 لاکھ روپے ہے۔ جس میں بکنگ کی رقم 16,248 روپے تھی اور باقی رقم 1,959 روپے ماہانہ کی 20 سال کی قسطوں میں ادا کی جانی تھی۔ کہا گیا کہ رجسٹری پانچ سال بعد ہو گی۔

شکایت کنندہ نے اپنے جاننے والوں سنیل کمار اور سریش کمار کے ساتھ مل کر 4 فلیٹ بک کرائے اور 7 ستمبر 2024 کو وکاس لوہیا کے اکاو¿نٹ میں فی فلیٹ 16,248 روپے جمع کرائے۔ ملزمان نے ڈسٹرکٹ اربن پلانر ڈیپارٹمنٹ کے نام پر جعلی رسیدیں دے کر فلیٹ نمبر الاٹ کرائے اور دو دن میں قبضہ دینے کا دعویٰ کیا۔ بعد ازاں قبضہ حاصل کرنے کے لیے بجلی میٹر کے نام پر فی کس 10,488 روپے مزید وصول کیے گئے۔ ملزمین نے گروگرام میں فلیٹ کا قبضہ دلوانے کیلئے بلایا اور دہلی میں روکے رکھا۔ ملزمین کی باتوں پر شک ہونے پر وہ ضلع شہری پلاننگ گرو گرام دفتر گئے تو وہاں افسروں نے اس اسکیم کو فرضی قرار دیا۔ جب ملزمین سے اس بارے میں بات کی تو وہ بولے یہ اسکیم پنچکولہ شہری علاقے کی ہے۔ لزمین سے جب پیسے واپس انگے گئے تو انہوں نے فون اٹھانا بند کر دیا ۔ شکایت کنندہ نے بتایا کہ انہوں ںے اس معاملے میں پہلے بھی پولیس افسروں کو دس اکتوبر 2024 کو شکایت کی تھی۔

ہندوستان سماچار / عطاءاللہ