۔پروازیں کل سے شروع ہونے کا امکان ہے، تعلیمی ادارے بھی منگل سے کھلیں گے

جودھ پور، 12 مئی (ہ س)۔ ہندوستان اور پاکستان کے درمیان جنگ بندی کے بعد جودھ پور میں حالات معمول پر آنے لگے ہیں۔ اس کے بعد پیر سے جودھ پور ایئرپورٹ سے فلائٹ آپریشن شروع کرنے کا فیصلہ کیا گیا ہے۔ وہیں بازار بھی مکمل طور پر کھل گئے ہیں۔ لوگ اپنے روزمرہ کے معمولات پر لوٹنے لگے ہیں۔ اتوار کی رات کو کوئی بلیک آو¿ٹ نہیں کیا گیا۔ حالات معمول پر آنے کے درمیان ضلع انتظامیہ نے بھی 13 مئی سے تمام تعلیمی سرگرمیاں دوبارہ شروع کرنے کی اجازت دے دی ہے۔

ائیرپورٹس اتھارٹی آف انڈیا نے سرحدی شہروں کے ہوائی اڈوں کو دوبارہ کھولنے کی ایڈوائزری جاری کی ہے جو کہ ہندوستان اور پاکستان کے درمیان کشیدگی کی وجہ سے 15 مئی تک بند تھے۔ جس کے بعد فوری طور پر 32 ہوائی اڈے سویلین طیاروں کی کارروائیوں کے لیے کھول دیے گئے۔ منگل سے جودھ پور ہوائی اڈے پر فلائٹ آپریشن شروع ہونے کی امید ہے۔ دہلی، ممبئی اور دیگر شہروں سے آنے والی پروازوں کی بکنگ کل سے ہی ممکن ہوگی۔ یہ قدم ہندوستان اور پاکستان کے درمیان فوجی کارروائی کو لے کر کی گئی جنگ بندی کے بعد اٹھایا گیا ہے۔

ہوائی اڈے کے ڈائریکٹر منوج انیال نے کہا کہ جنگ بندی کے بعد پیر کو جودھ پور ہوائی اڈہ سویلین پروازوں کے لیے کھول دیا گیا ہے۔ تمام ایئر لائنز کو آپریٹنگ چینلز کے ذریعے مطلع کر دیا گیا ہے۔ قابل ذکر ہے کہ پہلگام میں دہشت گردانہ حملے کے بعد ہندوستان نے 7 مئی کی رات آپریشن سندور شروع کیا تھا جس میں پاکستان اور مقبوضہ کشمیر میں واقع دہشت گردوں کے ٹھکانوں پر حملہ کیا گیا تھا۔ اگلے ہی دن سے اسٹریٹجکلحاظ سے اہم جودھ پور ہوائی اڈے کو 9 مئی تک بند کر دیا گیا تھا۔ سرحد پر کشیدگی کی وجہ سے اس مدت میں توسیع کر 15 مئی کر دیا گیا۔ اس دوران جودھ پور ہوائی اڈے پر سیکورٹی سخت کر دی گئی۔

جودھ پور ہوائی اڈے پر مسلح سی آئی ایس ایف اہلکار تعینات تھے۔ ایئرپورٹس اتھارٹی آف انڈیا نے آج ایک پریس ریلیز جاری کرتے ہوئے کہا ہے کہ ملک کے 32 ہوائی اڈے جو 15 مئی تک بند تھے، فوری اثر سے شہری ہوائی سفر کے لیے کھولے جا رہے ہیں۔ جس کے تحت سفر کرنے والے مسافروں کو مشورہ دیا گیا ہے کہ وہ اپنے آنے والے سفر کے لیے براہ راست ایئر لائنز کا ٹائم ٹیبل چیک کریں اور وقتاً فوقتاً اپ ڈیٹس حاصل کرنے کے لیے ان کی ویب سائٹ پر جائیں۔

لوگوں نے راحت کی سانس لی

ان 32 ہوائی اڈوں میں راجستھان کے تین سول ہوائی اڈے - بیکانیر، جودھ پور اور جیسلمیر شامل ہیں۔ ان تینوں ہوائی اڈوں کے کھلنے کے بعد لوگوں نے راحت کی سانس لی ہے کیونکہ گرمیوں کی تعطیلات شروع ہونے والی ہیں، ایسے میں ہوائی اڈے بند ہونے سے سیاحت کو بھاری نقصان ہونے کا خدشہ تھا۔ جس کے بعد اب لوگوں نے راحت کی سانس لی ہے۔

تعلیمی سرگرمیاں منگل سے دوبارہ شروع ہوں گی:

ضلع کلکٹر کی ہدایات کے مطابق ضلع میں پہلے اعلان کردہ تمام سرکاری، غیر سرکاری اسکولوں، کالجوں، یونیورسٹیوں، پرائیویٹ کوچنگ انسٹی ٹیوٹ اور آنگن واڑی مراکز میں زیر تعلیم طلبہ کے لیے چھٹی کے حکم کو فوری اثر سے واپس لے لیا گیا ہے۔ حکم نامے کے مطابق اب ضلع میں تمام قسم کے تعلیمی ادارے 13 مئی سے باقاعدہ تعلیمی سرگرمیاں کر سکیں گے تاہم پیر کو تمام تعلیمی ادارے بند رہے۔ا سکولوں، کالجوں، کوچنگ انسٹی ٹیوٹ اور یونیورسٹیوں میں طلبا کی چھٹی تھی اور امتحانات بھی ملتوی کر دیے گئے۔

ہندستھان سماچار

ہندوستان سماچار / محمد شہزاد