جموں, 12 مئی (ہ س)۔ جموں سرینگر قومی شاہراہ کو پیر کی دوپہر جزوی بحالی کے بعد ہلکی موٹر گاڑیوں کی دو طرفہ آمد و رفت کے لیے کھول دیا گیا ہے، جبکہ بھاری گاڑیوں کو وادی سے جموں کی طرف مرحلہ وار روانہ کرنے کی اجازت دی جائے گی۔

متعلقہ حکام نے بتایا کہ جموں سرینگر شاہراہ پر مسافر اور نجی ہلکی گاڑیوں کو دونوں سمتوں میں چلنے کی اجازت دے دی گئی ہے، تاہم بھاری گاڑیوں کو صرف وادی سے جموں کی طرف جانے دیا جائے گا۔انہوں نے مزید بتایا کہ رامبن کے مروگ علاقے میں جہاں سڑک کا ایک حصہ بارش کے باعث دھنس گیا تھا، وہاں فی الوقت ایک طرفہ ٹریفک کی اجازت دی گئی ہے، اور پھنسے ہوئے گاڑیوں کو مرحلہ وار نکالا جا رہا ہے۔

قومی شاہراہ کو گزشتہ دنوں شدید بارش کے بعد بند کر دیا گیا تھا، جب مروگ کے مقام پر سڑک دھنسنے سے آمد و رفت مکمل طور پر معطل ہو گئی تھی۔ شاہراہ کی بحالی کا کام تیزی سے جاری ہے تاکہ ٹریفک معمول کے مطابق بحال کیا جا سکے۔

ہندوستھان سماچار

---------------

ہندوستان سماچار / محمد اصغر