چنڈی گڑھ، 12 مئی (ہ س)۔ ہندوستان-پاکستان سرحد پر کشیدگی کے باعث امرتسر میں گذشتہپانچ دنوں سے پھنسے غیر ملکی اور ملکی سیاحوں کو پیر کو دہلی روانہ کر دیا گیا۔ پانچ دنوں سے یہاں پھنسے سیاحوں کو دہلی پہنچانے کے لیے ریلوے نے ایک خصوصی ٹرین وندے بھارت چلائی ہے۔
ہندوستان اور بیرون ملک سے ہزاروں سیاح روزانہ امرتسر آتے ہیں۔یہ سیاح دربار صاحب اور جلیانوالہ باغ کے علاوہ اٹاری بارڈر پر ہونے والی ری -ٹریٹ کی تقریب دیکھنے بھی جاتے ہیں۔ 6 مئی کو بھی سیاحوں کی بڑی تعداد امرتسر آئی تھی۔ 7 مئی کی شام کو ہند-پاک تنازعہ کی وجہ سے ری-ٹریٹ کی تقریب منسوخ کر دی گئی، جس کی وجہ سے بڑی تعداد میں سیاح امرتسر میں پھنس گئے۔ کشیدگی بڑھنے پر ضلع انتظامیہ نے امرتسر سرائے اور دیگر مقامات پر سیاحوں کو روک دیا۔ حالات معمول پر آنے کے بعد پیر کو امرتسر سے یک طرفہ ریزرو وندے بھارت اسپیشل ٹرین چلائی گئی۔ سیاحوں کو لے کر یہ خصوصی ٹرین شام چار بجے دہلی کے لیے روانہ ہوئی۔
امرتسر ریلوے اسٹیشن کے اسٹیشن ماسٹر اجے سنگھ ٹھاکر نے بتایا کہ ریلوے کی جانب سے خصوصی ٹرین کا انتظام کیا گیا تھا۔ اس ٹرین میں کئی ملکی اور غیر ملکی سیاح امرتسر سے دہلی کے لیے روانہ ہوئے ہیں۔ انہوں نے کہا کہ انتظامیہ کی رپورٹ کے مطابق اس وقت امرتسر میں پھنسے ہوئے تقریباً تمام سیاح دہلی جا چکے ہیں۔ دہلی سے وہ اپنی اپنی منزل کے لیے روانہ ہوں گے۔
ہندوستھان سماچار
ہندوستان سماچار / محمد شہزاد
