واشنگٹن، 12 مئی (ہ س)۔ امریکہ کے وسکونسن صوبے کے ملواکی شہر میں اتوار کو ایک چار منزلہ اپارٹمنٹ میں آگ لگنے سے کم از کم چار افراد ہلاک اور چار زخمی ہو گئے۔ ملواکی فائر چیف آرون لپسکی نے اس کی تصدیق کی۔

یو ایس ٹوڈے اخبار کی رپورٹ کے مطابق، ریسکیو کارکن سب سے پہلے شہر کے مغرب میں واقع چار منزلہ اپارٹمنٹ میں مقامی وقت کے مطابق صبح 7:45 پر پہنچے۔فائر بریگیڈ کی تقریباً 22 گاڑیوں نے آگ پر قابو پالیا۔ تقریباً 30 افراد کو سیڑھیوں سے بچایا گیا یا فائر فائٹرز نے باہر نکالا۔ آگ لگنے کی اطلاع دینے والے شخص نے خدشہ ظاہر کیا تھا کہ کچھ لوگوں نے دوسری منزل سے چھلانگیں بھی لگا دی تھیں۔ آگ عمارت کے ایک عوامی علاقے میں لگی تھی۔ یہ آہستہ آہستہ پورے اپارٹمنٹ میں پھیل گیا۔ مرنے والوں کی شناخت نہیں ہو سکی ہے۔ دیگر چار کی حالت تشویشناک ہے۔ یہ عمارت 1968 میں تعمیر کی گئی تھی۔

ہندوستھان سماچار

ہندوستان سماچار / محمد شہزاد