اجین، 12 مئی (ہ س)۔ مدھیہ پردیش کے وزیر اعلیٰ ڈاکٹر موہن یادو نے پیر کو اپنے ا±جین دورے کے دوران سندھی کالونی الکھدھام نگر کے پبلک پارک میں سنت کنوررام کے مجسمے کی نقاب کشائی کی۔ انہوں نے گولڈن بک آف ورلڈ ریکارڈ کے سرٹیفکیٹس بھی تقسیم کیے، جوورلڈ ریکارڈ سمرتھ سیوا سنستھان نے معذور افراد کو مفت ہوائی سفر فراہم کرنے کے لیے بنایا تھا۔وزیر اعلیٰ ڈاکٹر یادو نے اس موقع پر کہا کہ سنتوں کی زندگی کے آدرش ہمیشہ مثالی ہوتے ہیں۔ جس طرح سورج ہمیں روشنی دینے کے لیے اپنے آپ کو جلاتا ہے، اسی طرح سنت بھی خودکو جلا کر ہماری زندگیوں کو علم اور خوشی سے روشن کرتے ہیں۔ سنت کنوررام بھی ایسے ہی ایک عظیم سنت تھے۔

وزیر اعلیٰ نے کہا کہ آج کا دن بہت ہی مبارک دن ہے۔ آج بیساکھ کے مہینے کا پورا چاند ہے۔ آج بدھ پورنیما ہے۔ سنت کنوررام نے لوگوں کو سچائی اور اخلاقیات کی راہ پر چلنے کی ترغیب دی۔ وہ سب کو ساتھ لے کر چلنے میں یقین رکھتے تھے۔ اس باغ میں سنت کنوررام کی مورتی کی تنصیب کے بعد ہر کوئی ان کا آشیرواد حاصل کرتا رہے گا۔وزیر اعلیٰ ڈاکٹر یادو نے میونسپل کارپوریشن کے افسران سے کہا کہ باغ کی باقاعدگی سے دیکھ بھال کی جائے۔ انہوں نے الکھ دھام نگر باغ کو ایک مثالی باغ بنانے کے لیے حکومت سے مالی امداد کا بھی اعلان کیا۔

گولڈن بک آف ورلڈ ریکارڈ میں شامل معذور افراد میں مفت مذہبی سفر کے سرٹیفکیٹ تقسیم کرنے کے بعد وزیراعلیٰ نے کہا کہ معذور افراد کی خدمت کرنا خدا کی خدمت کے مترادف ہے۔ سمرتھ سیوا سنستھان کی طرف سے یہ ایک بہت ہی قابل تعریف کام ہے جو ہر ایک کے لیے مثالی بھی ہے۔ قابل ذکر ہے کہ سمرتھ سیوا سنستھان نے اب تک 47 معذوروں کے لیے مفت مذہبی ہوائی سفر کا انتظام کیا ہے۔ وزیراعلیٰ نے تنظیم کے عہدیداروں کو مبارکباد دی۔

ہندوستھان سماچار

ہندوستان سماچار / Mohammad Khan