مہلوکین کے پسماندگان کو فوری طور پر چار چار لاکھ روپے امداد کی رقم دینے کی وزیر اعلیٰ کی ہدایتپٹنہ، 09 اپریل(ہ س)۔بجلی گرنے سے بیگوسرائے میں 5،دربھنگہ میں 4،مدھو بنی میں 3اور سمستی پور میں 01شخص کی موت پر وزیر اعلیٰ نتیش کمار سوگوار ہیں اور انہوں نے متاثر کنبوں کے تئیں گہری تعزیت کا اظہار کیا ہے ۔ وزیر اعلیٰ نے کہا کہ آفت کی اس گھڑی میں وہ متاثرہ کنبوں کے ساتھ ہیں ۔وزیر اعلیٰ نے تمام متاثرین کے اہل خانہ کو فوری طور پر چار چار لاکھ روپے امداد کی رقم دینے کی ہدایت دی ہے ۔وزیر اعلیٰ نے لوگوں سے اپیل کی ہے کہ تمام لوگ خراب موسم میں پوری طرح احتیاط برتیں ۔خراب موسم ہو نے پر آسمانی بجلی سے حفاظت کے لیے آفات مینجمنٹ محکمہ کی طرف سے وفتا فوقتا جاری کیے گئے مشوروں پر عمل کریں ۔ خراب موسم میں گھروں میں رہیں اور محفوظ رہیں۔ہندوستھان سماچار

ہندوستان سماچار / Mohammad Afzal Hassan