سرینگر، 07 اپریل (ہ س )۔قانون ساز اسمبلی میں قائد حزب اختلاف سنیل شرما نے پیر کو کہا کہ نیشنل کانفرنس (این سی) وقف ترمیمی بل پر مذہبی جذبات کو بھڑکا رہی ہے۔ تفصیلات کے مطابق صحافیوں سے بات کرتے ہوئے شرما نے کہا کہ وقف بل پارلیمنٹ میں پاس ہو چکا ہے اور اب یہ زیر سماعت ہے، اس لیے اسمبلی میں بل پر بحث کرنا غیر آئینی ہے۔ انہوں نے کہا کہ نیشنل کانفرنس کے تین ارکان پارلیمنٹ اس مسئلہ پر خاموش رہے اور اب اسپیکر سمیت پارٹی اسمبلی میں بل پر بحث کا مطالبہ کرکے مذہبی جذبات کو بھڑکانے کی کوشش کررہی ہے۔انہوں نے مزید کہا کہ ان کی طرف سے اٹھائے جانے والے مسئلے کا مقصد میڈیا کی توجہ حاصل کرنا ہے۔ہندوستھان سماچار

ہندوستان سماچار / Mir Aftab