رام گڑھ، 7 اپریل (ہ س)۔ رام نومی کے جلوس کو لے کر اکثر دونوں برادریوں کے درمیان کشیدگی کی باتیں ہوتی رہتی ہیں۔ لیکن اس بار رام گڑھ ضلع میں ڈی سی چندن کمار اور ایس پی اجے کمار کی جوڑی نے کشیدگی کے تمام امکانات کو ختم کر دیا۔ ان دونوں افسران کی پہل کی وجہ سے ایسا ماحول بنا کہ ہندو اور مسلم دونوں برادریوں نے مل کر رام نومی کا تہوار منایا۔ جلوس میں جہاں ہندو برادری کے لوگ جھنڈا اٹھائے سڑک پر نکل آئے اور جئے شری رام کے نعرے لگاتے رہے وہیں دوسری طرف مسلم برادری کے لوگوں نے بھگوا پوش افراد کا پھولوں سے استقبال کیا۔
کئی مقامات پر استقبال کے لیے مناسب پلیٹ فارم بنائے گئے تھے۔ رام گڑھ ضلع میں بھگوا پوش لوگوں نے کل 217 مقامات پر جلوس نکالے۔ ڈی سی چندن کمار اور ایس پی اجے کمار نے 107 اکھاڑہ میں اپنی موجودگی درج کرائی۔ رات بھر دونوں افسران بھگوان رام کی جینتی کے موقع پر نکالے گئے جلوس میں شریک رہے اور تہوار کو پرامن طریقے سے منانے کی اپیل کرتے نظر آئے۔
پیر کو ڈی سی چندن کمار اور ایس پی اجے کمار نے تہوار پرامن طریقے سے منعقد کرنے پر ضلع کے تمام لوگوں کو مبارکباد دی۔ مسلم کمیونٹی کی طرف سے تیار کردہ استقبالیہ سٹیج کو سراہا۔ عہدیداروں نے اسے بیدار معاشرے کا پیغام قرار دیا۔
ہندوستھان سماچار
---------------
ہندوستان سماچار / عبدالواحد
