سرینگر، 07 اپریل( ہ س): ۔ایک اہم پیش رفت میں، کپواڑہ پولیس نے فوج کے 47RR کے ساتھ مل کر کپواڑہ ضلع کے کنڈی جنگلاتی پٹی میں تلاشی آپریشن کے دوران ہتھیار اور گولہ بارود برآمد کیا۔ پولیس کی طرف سے جاری کردہ ایک بیان میں کہا گیا ہے، برآمد ہونے والی اشیاء میں، ایک مشین گن، سات مختلف دستی بم، 90 راؤنڈ، ایک چینی ساختہ دوربین، دو سولر موبائل چارجرز کے علاوہ غیر ملکی ساختہ سلیپنگ بیگ سمیت کپڑے اور بڑی مقدار میں پاکستانی ادویات شامل ہیں۔قانون کی متعلقہ دفعات کے تحت ایف آئی آر درج کی گئی ہے اور تحقیقات شروع کی گئی ہے۔بیان میں مزید کہا گیا ہے کہ یہ مشترکہ آپریشن ممکنہ خطرات کو بے اثر کر کے علاقے میں امن و استحکام کے تحفظ کے لیے سیکورٹی فورسز کے عزم کو اجاگر کرتا ہے۔ہندوستھان سماچار

ہندوستان سماچار / Mir Aftab