جموں, 2 اپریل (ہ س)۔

جموں و کشمیر کے چیف سکریٹری اٹل ڈلو نے جموں و کشمیر میں کاروباری آسانیوں کو بڑھانے اور تعمیل کے بوجھ کو کم کرنے پر زور دیا۔ انہوں نے متعلقہ محکموں کو ہدایت دی کہ وہ خدمات کو ڈیجیٹلائز کریں، اراضی بینک بنائیں اور شہری ترقی کے لیے ماسٹر پلان تیار کریں۔میٹنگ میں صنعت و تجارت، ہاؤسنگ، شہری ترقی، دیہی ترقی، پبلک ورکس اور دیگر محکموں کے افسران نے شرکت کی۔

کمشنر سکریٹری صنعت و تجارت، وکرم جیت سنگھ نے بتایا کہ 23 اہم ترجیحات طے کی گئی ہیں جن میں صنعتی سہولت، ماحولیاتی منظوری، لیبر قوانین اور شہری ترقی شامل ہیں۔میٹنگ میں یہ فیصلہ کیا گیا کہ لچکدار زوننگ نظام، ڈیجیٹل لینڈ کنورژن سسٹم اور جی آئی ایس ڈیٹا بیس بنایا جائے گا۔ اس کے علاوہ خواتین کے لیے لیبر قوانین میں نرمی، تھرڈ پارٹی انسپیکشن، ونڈو کلیئرنس سسٹم، اور صنعتی ترقی کے لیے بنیادی ڈھانچے کو بہتر بنایا جائے گا۔

ہندوستھان سماچار

---------------

ہندوستان سماچار / محمد اصغر