کولکاتا، 19 اپریل (ہ س)۔ مغربی بنگال بی جے پی کے سابق ریاستی صدر دلیپ گھوش کا یوم پیدائش اس بار کئی لحاظ سے خاص تھا۔ جمعہ کے روز شادی کے بندھن میں بندھنے کے بعد ہفتہ کی صبح وہ ہمیشہ کی طرح نیو ٹاو¿ن کے ایکو پارک میں صبح کی سیر کے لیے نکلے۔ اپنے معمول کے انداز میں پراعتماد انداز سے لبریز دلیپ گھوش نے واضح کیا کہ ان کی اہلیہ رنکو مجومدار سے ان کی پہلی ملاقات ایکو پارک میں نہیں ہوئی تھی اور نہ ہی ایکو پارک میں کسی کے ٹہلنے سے شادی ہو سکتی ہے۔

اپنی مارننگ واک کے دوران میڈیا سے بات کرتے ہوئے دلیپ گھوش نے کہا کہ ”بہت سے لوگ کہہ رہے ہیں کہ ایکو پارک میں چہل قدمی کرنے سے شادی ہو جاتی ہے، ایسا نہیں ہے، اگر ایسا ہوتا تو ساری زندگی ٹہلنے کے بعد بہت سے لوگوں کی شادی ہوجاتی ہوتی، میری بیوی مجھ سے بہت پہلے سے ہی پارٹی سے وابستہ رہی ہیں، ہماری پہلی ملاقات ایکو پارک میں نہیں ہوئی ۔“ انہوں نے یہ بھی بتایا کہ رنکو مجومدار مہیلا مورچہ کی سرگرم لیڈر ہیں اور برسوں سے تنظیم کا حصہ رہی ہیں۔

جمعہ کو دلیپ گھوش نے کولکاتا میں اپنی رہائش گاہ پر انتہائی سادگی سے شادی کی۔ اس میں صرف چند قریبی لوگوں نے حصہ لیا۔ اگلے ہی دن یعنی ہفتہ کو وہ معمول کے مطابق صبح ساڑھے پانچ بجے ایکو پارک پہنچے۔ ان کے باقاعدہ دوستوں نے اس کے یوم پیدائش کی پارٹی اور شادی کی تقریبات کا اہتمام کیا۔ کچھ گھر سے کھیر لے کر آئے، جب کہ کچھ نے اپنے بنائے ہوئے کیک اور مٹھائیاں تقسیم کیں۔ دلیپ گھوش نے ان سب کو چکھا اور اپنے دوستوں کو بھی پیار سے کھلایا۔

دلیپ گھوش نے واضح کیا کہ شادی کے بعد ان کے سیاسی پروگراموں میں کوئی تبدیلی نہیں آئے گی۔ ہفتہ کی شام وہ دمدم کے سبھاش نگر گراو¿نڈ سے نگر بازار تک جلوس میں حصہ لیں گے۔ شام کو وہ کھڑگپور روانہ ہوں گے جہاں وہ برتھ ڈے کا دوسرا مرحلہ منائیں گے اور شادی کی تقریب میں بھی شرکت کریں گے۔ وہ اتوار کی صبح چائے کے پروگرام میں شریک ہوں گے اور پیر کو کولکاتا واپس آئیں گے۔

جب ان سے 2026 کے اسمبلی انتخابات کے بارے میں پوچھا گیا تو انہوں نے کہا کہ ”دوسرے کیا کہہ رہے ہیں، میں اس پر نہیں جاتا۔پارٹی نے جو ذمہ داری مجھے سونپی ہے میں اسے مسلسل نبھا رہا ہوں۔ تبدیلی کا آغاز ہو چکا ہے۔ حتمی فیصلہ عوام ہی لیتے ہیں اور انہوں نے بولنا شروع کر دیا ہے۔“

دلیپ گھوش کا یوم پیدائش کیلنڈر کے مطابق یکم اگست کو آتا ہے، لیکن وہ اسے ہر سال تاریخ کے مطابق 19 اپریل کو مناتے ہیں۔ اس بار، یہ دن ان کی شادی شدہ زندگی کے آغاز کے اگلے ہی دن آیا، جس سے یہ اور بھی خاص ہو گیا۔

ہندوستھان سماچار

ہندوستان سماچار / محمد شہزاد