نئی دہلی، 18 اپریل (ہ س)۔ بھارت نے پڑوسی ملک بنگلہ دیش کو دھوکہ اور دکھاوے کی حرکتوںسے باز رہنے کا مشورہ دیا ہے۔ انہوں نے کہا کہ ہم پر تبصرہ کرنے کے بجائے اسے اپنی اقلیتوں کے حقوق کے تحفظ پر توجہ دینی چاہیے۔ میڈیا کے سوالات کا جواب دیتے ہوئے وزارت خارجہ کے ترجمان رندھیر جیسوال نے کہا کہ ہم مغربی بنگال کے واقعات کے حوالے سے بنگلہ دیش کی طرف سے کئے گئے تبصروں کو مسترد کرتے ہیں۔
قابل ذکر ہے کہ بنگلہ دیش کے چیف ایڈوائزر کے پریس سکریٹری شفیق العالم نے مرشد آباد میں تشدد میں اپنے ملک کے ملوث ہونے کی تردید کرتے ہوئے حکومت ہند اور حکومت مغربی بنگال سے مسلمانوں کی حفاظت کو یقینی بنانے کو کہا تھا۔ وزارت خارجہ کے ترجمان رندھیر جیسوال نے کہا کہ بنگلہ دیش میں اقلیتوں کے ساتھ جاری ظلم و ستم پر ہندوستان کے خدشات کے ساتھ جوڑنے کی یہ ایک پردہ پوشی اور مکروہ کوشش ہے۔
بنگلہ دیش میں اقلیتوں کے خلاف تشدد کے مرتکب اب بھی آزاد گھوم رہے ہیں۔ انہوں نے کہا کہ نامناسب تبصرے اور پوسٹس کرنے کے بجائے بنگلہ دیش کو اپنی اقلیتوں کے حقوق کے تحفظ پر توجہ دینی چاہیے۔
ہندوستھان سماچار
ہندوستان سماچار / محمد شہزاد
