اورنگ آباد، یکم اپریل۔ (ہ س)۔ نیشنل ڈیفنس اکیڈمی (این ڈی اے) اور کمبائنڈ

ڈیفنس سروسز (سی ڈی ایس) کا امتحان 13 اپریل کو یونین پبلک سروس کمیشن، نئی دہلی

کے زیر اہتمام منعقد کیا جائے گا۔ ڈسٹرکٹ سپروائزری کوآرڈینیشن آفیسر اور ڈپٹی

ڈسٹرکٹ کلکٹر جنرل سنگیتا راٹھوڈ نے بتایا کہ 4447 امیدوار اورنگ آباد مرکز میں ان

امتحانات میں شرکت کریں گے۔

این ڈی اے کا امتحان 12 مختلف مراکز پر ہوگا، جس میں

پہلا سیشن صبح 10 بجے سے 12:30 بجے تک اور دوسرا سیشن دوپہر 2 بجے سے 4:30 بجے تک

منعقد کیا جائے گا۔ سی ڈی ایس کا امتحان 2 مراکز پر تین سیشنز میں ہوگا، پہلا سیشن

صبح 9 بجے سے 11 بجے تک، دوسرا سیشن دوپہر 12 بجے سے 2 بجے تک اور تیسرا سیشن شام

4 بجے سے 6 بجے تک ہوگا۔ مجموعی طور پر یہ امتحانات 14 ذیلی مراکز پر منعقد کیے

جائیں گے۔

یونین پبلک سروس کمیشن کی جانب سے جاری ہدایات کے مطابق

امیدواروں کو امتحانی مرکز میں داخل ہونے کے لیے ایڈمٹ کارڈ کے ساتھ کم از کم ایک

شناختی ثبوت جیسے آدھار کارڈ، الیکشن کمیشن کا شناختی کارڈ، پاسپورٹ، پین کارڈ،

ڈرائیونگ لائسنس یا اسمارٹ کارڈ اور اس کی فوٹو کاپی لانا ضروری ہوگا۔ امتحان کے

آغاز سے ایک گھنٹہ قبل امتحانی ہال میں داخلے کی اجازت دی جائے گی۔

امتحانی مرکز میں امیدواروں کو صرف ایڈمٹ کارڈ، کالی سیاہی

کا بال پوائنٹ پین، شناختی کارڈ، اس کی فوٹو کاپی، ماسک اور شفاف سینیٹائزر کی

بوتل لے جانے کی اجازت ہوگی۔ کسی بھی قسم کے الیکٹرانک آلات جیسے ڈیجیٹل ڈائری،

مائیکروفون، موبائل فون، بلوٹوتھ، کیمرہ فون یا دیگر مواصلاتی آلات لانے پر سختی

سے پابندی ہوگی۔ اگر کوئی امیدوار ان اشیاء کے ساتھ پایا گیا تو اسے امتحانی مرکز

کے مرکزی دروازے پر اپنے رسک پر رکھنا ہوگا، جس کی ذمہ داری کمیشن نہیں لے گا۔ ایسے

امیدواروں پر کمیشن کے آئندہ امتحانات میں شرکت پر پابندی عائد کی جا سکتی ہے اور

ان کے خلاف قانونی کارروائی بھی کی جا سکتی ہے۔

امتحانی مرکز کے داخلی دروازے پر امیدواروں کی پولیس چیکنگ

ہوگی اور خواتین امیدواروں کی تلاشی خواتین پولیس اہلکار لیں گی۔ امیدواروں کے لیے

داخلہ پاس کے طور پر آن لائن درخواست کے ذریعے حاصل کردہ ایڈمٹ کارڈ ہی کافی ہوگا

اور کسی اضافی اجازت نامے کی ضرورت نہیں ہوگی۔

امتحانی مراکز درج ذیل ہیں:مولانا آزاد کالج آف آرٹس، سائنس اینڈ کامرس،

ڈاکٹر رفیق زکریا کیمپس، سائنس بلڈنگ، روزا باغ ہرسول روڈ – 2772 ، مولانا آزاد

کالج آف آرٹس، سائنس اینڈ کامرس، ٹام پیٹرک بلڈنگ، سائنس بلڈنگ، روزا باغ ہرسول

روڈ – 3383 ، گورنمنٹ کالج، لا – 3383 ،ڈاکٹر رفیق زکریا کالج برائے خواتین،

نوکھنڈا، جوبلی پارک – 3845 ، سرسوتی بھون، بوائز اسکول، سرسوتی کالونی، اورنگ

پورہ – 3846 ،وویکانند آرٹس اور سردار دلیپ

سنگھ کامرس کالج، سمرتھ نگر – 2887 ، وویکانند سائنس کالج، سمرتھ نگر – 2888 ، شیشو

وہار ہائی اسکول، مہاتما پھولے چوک، اورنگ پورہ – 2889 ، سرسوتی بھون، کالج آف

آرٹس اینڈ کامرس (پارٹ اے)، اورنگ پورہ – 38410، سرسوتی بھون، کالج آف آرٹس اینڈ

کامرس (پارٹ بی)، اورنگ پورہ – 38411 ، ملند سائنس کالج، ناگاسین فاریسٹ کمپلیکس،

کینٹ کمپلیکس – 28812 ،ڈاکٹر مسز اندرابائی بھاسکر راؤ پاٹھک آرٹس کالج، سمرتھ نگر

– 28813 ،گورنمنٹ انجینئرنگ کالج، ریلوے اسٹیشن روڈ، عثمان پورہ – 27714، گورنمنٹ

ٹیکنیکل کالج، ریلوے اسٹیشن روڈ، عثمان پورہ 195۔

ہندوستھان سماچار

--------------------

ہندوستان سماچار / نثار احمد خان