نئی دہلی، 2 اپریل (ہ س)۔ ترنمول کانگریس کے راجیہ سبھا رکن محمد ندیم الحق نے بدھ کو راجیہ سبھا میں وقفہ صفر کے وقت سنیتا ولیمز کو بھارت رتن دینے کا مطالبہ کیا۔ انہوں نے کہا کہ 286 دن خلا میں گزارنے کے بعد سنیتا 19 مارچ کو بحفاظت زمین پر واپس آگئیں۔انہوں نے کہا کہ سنیتا کی یہ کامیابی قابل ستائش ہے اور پورے ہندوستان کو اس پر فخر ہے۔

حق نے کہا کہ گجرات کا ایک سیاستدان سنیتا کا قریبی رشتہ دار تھا۔ انہوں نے آنجہانی سیاستدان ہرین پانڈیا کا نام بھی لیا جو گجرات کے وزیر داخلہ تھے اور انہیں 2003 میں قتل کر دیا گیا تھا۔ حق نے کہا کہ سنیتا 2007 میں بھارت آئی تھیں اور اس وقت انہیں بہت سے اعزازات سے نوازا گیا۔ حکومت ہند نے انہیں 2008 میں پدم بھوشن سے نوازا تھا۔

اس پر وزیر خزانہ نرملا سیتارمن نے کہا کہ کسی کے لیے بھارت رتن کا مطالبہ کرنا ایک بات ہے۔ اس میں کسی مرحوم رہنما کا حوالہ نہیں ہونا چاہئے۔ انہوں نے کہا کہ ایسے شخص کا حوالہ دینا درست نہیں جو اب ہمارے ساتھ نہیں ہے۔ انہوں نے چیئر سے درخواست کی کہ ترنمول ممبر کے بیان کے اس حصے کو ایوان کی کارروائی سے ہٹا دیا جائے۔ راجیہ سبھا کے ڈپٹی چیئرمین ہری ونش نے کہا کہ جو بھی حصہ غیر متعلقہ ہے اسے کارروائی سے ہٹا دیا جائے گا۔

وقفہ صفر کے دوران، عام آدمی پارٹی کی رکن سواتی مالیوال نے دہلی میں رکشہ ڈرائیوروں کے لئے اصول بنانے کا مطالبہ کیا۔

ہندوستھان سماچار

---------------

ہندوستان سماچار / عبدالواحد