نئی دہلی،29مارچ(ہ س)۔

سعودی عرب سمیت عرب ممالک میں شوال کا چاند نظر آگیا ہے۔ وہاں پرعیدالفطرکی نماز30 مارچ کو ادا کی جائے گی۔ سعودی رویت ہلال کمیٹی نے اطلاع دی ہے کہ آج 29 مارچ 2025 بروزہفتہ شوال کا چاند دیکھا گیا، لہذا 30 مارچ 2025ءبروزاتوارعید الفطر کی نمازادا کی جائے گی ان شاءاللہ۔ حرمین شریفین نے بھی باضابطہ ٹوئٹ کے ذریعہ عیدالفطرکی مبارکباد پیش کی ہے اورچاند دیکھنے کی تصدیق کی ہے۔

سعودی میں مقیم مولانا ابوعبداللہ عبدالرحیم جلیلی نے وہاٹس ایپ پیغام کے ذریعہ اطلاع دی ہے کہ کل بروزاتوار(30 مارچ) کوعیدالفطرکی نماز ادا کی جائے گی۔ اطلاعات کے مطابق، رمضان کا مہینہ 29 کا شمارکیا جائے گا۔ اس طرح سے عرب ممالک میں رمضان کا مہینہ کا مکمل ہوگیا ہے اورشوال کا چاند نظرآگیا ہے۔ تفصیلات کے مطابق، ہندوستان میں 31 مئی (بروز پیر) عیدالفطرکا تہوار منائے جانے کا امکان ہے۔

عرب ممالک میں رمضان کا مبارک اورمقدس مہینہ ختم ہوگیا ہے۔ اللہ رب العالمین سے دعا ہے کہ وہ ہمارے روزے ، نمازیں ، تراویح ، عبادات اورہماری دعاو¿ں کو اپنی بارگاہ میں قبول فرمائے اورماہِ رمضان المبارک زندگی میں بار بار نصیب کرے۔ آمین۔ عرب ممالک میں چاند کی تصدیق ہوجانے کے بعد ہندوستان سمیت برصغیرمیں بھی عیدالفطرکی تیاریاں شروع ہوگئی ہیں۔ دراصل، عرب ممالک میں یکم مارچ 2025 (بروزہفتہ) سے رمضان المبارک کا آغاز ہوا تھا جبکہ ہندوستان میں 2 مارچ (بروزاتوار) سے رمضان شروع ہوا تھا۔ عرب ممالک میں چاند کی تصدیق کے بعد عام طور پر برصغیر میں بھی ایک دن بعد رمضان اورعید منائی جاتی ہے۔

ہندوستھان سماچار

ہندوستان سماچار / Md Owais Owais