کولکاتہ 29 مارچ (ہ س) ۔

دمدم پارک علاقہ میں بی جے پی کی ریلی کے دوران زبردست کشیدگی پھیل گئی۔ پولیس اور بی جے پی کارکنوں کے درمیان جھگڑے کے بعد ہاتھا پائی ہوئی، جس کی وجہ سے وی آئی پی روڈ کو مکمل طور پر بلاک کر دیا گیا۔ اس جام کی وجہ سے عام لوگوں کو شدید پریشانی کا سامنا کرنا پڑا۔

ہفتہ کو بی جے پی نے ریاست میں امن و امان کی بگڑتی صورتحال کے خلاف ایک ریلی نکالی۔ ریلی لیک ٹاو¿ن سے شروع ہوئی لیکن جب یہ دم دم پارک کے علاقے میں پہنچی تو پولیس نے اسے روکنے کی کوشش کی۔ الزام ہے کہ ریلی میں شریک کارکنوں نے پولیس کی پابندیوں کو نظر انداز کرتے ہوئے آگے بڑھنے کی کوشش کی۔ اس دوران پولیس اور بی جے پی کارکنوں کے درمیان جھگڑا ہوا اور پھر بات ہاتھا پائی تک پہنچ گئی۔ بی جے پی کارکنوں کا الزام ہے کہ پولیس نے خواتین کارکنوں کو روکنے کے لیے خواتین پولیس اہلکاروں کو تعینات نہیں کیا اور ان کے کپڑے پھاڑ دیے گئے۔

اس واقعہ سے ناراض بی جے پی کارکنوں نے سڑک پر بیٹھ کر احتجاج شروع کر دیا جس کی وجہ سے وی آئی پی روڈ مکمل طور پر بلاک ہو گیا۔ اس دوران کئی گاڑیاں اور بسیں پھنس گئیں جس کی وجہ سے عام لوگوں کو شدید پریشانی کا سامنا کرنا پڑا۔ کشیدگی کے پیش نظر علاقے میں بڑی تعداد میں پولیس فورس کو تعینات کیا گیا ہے۔

ہندوستھان سماچار

ہندوستان سماچار / عطاءاللہ