اقلیتی فلاح کے وزیر کے ذریعہ منعقد دعوت افطار میں گورنر اور وزیر اعلی شامل ہوئےپٹنہ، 26 مارچ (ہ س)۔ گورنر عارف محمد خان اور وزیر اعلی نتیش کمار نے آج نہرو پتھ پر اقلیتی فلاح کے وزیر محمد زماں خان کی رہائش گاہ پر منعقدہ دعوت افطار میں شرکت کی۔ وزیر اعلی کو گلدستہ ، ٹوپی اور رومال پیش کرکے استقبال کیا گیا۔ افطار کے بعد ، نماز ادا کی گئی۔ دعا میں وزیر اعلی سمیت تمام روزہ داروں نے ریاست ، سماج اور ملک میں امن ، امان اور بھائی چارہ کا ماحول قائم رہنے کے لئے دعا کی۔اس موقع پر آبی وسائل و پارلیمانی امور کے وزیر جناب وجے کمار چودھری، دیہی ترقیات کے وزیر شرون کمار، دیہی امور کے وزیر اشوک چودھری، سماجی فلاح کے وزیر مدن سہنی، اطلاعات اور رابطہ عامہ کے وزیر مہیشوری ہزاری ، فوڈ اور صارفین تحفظ کی وزیریشی سنگھ، وزیر تعلیم سنیل کمار، سائنس ٹکنالوجی اور تکنیکی تعلیم کے وزیر سمت کمار سنگھ ، وزیر ٹرانسپورٹ شیلا کماری، اطلاعات اور ٹیکنا لوجی کے وزیر کرشن کمار بند،رکن قانون ساز کونسل رام بچن رائے، جے ڈی یو کے قومی جنرل سکریٹری منیش کمار ورما، جے ڈی کے ریاستی صدر امیش کشواہا،ارکان اسمبلی، ارکان قانون ساز کونسل ، بہار اسٹیٹ سنی وقف بورڈ کے چیئرمین محمد ارشاداللہ ، بہار اسٹیٹ سٹیزن کونسل کے سابق سکریٹری اروند کمار اور دیگر معززین اور بڑی تعداد میں روزہ دار موجود تھے۔

ہندوستھان سماچار

ہندوستان سماچار / Mohammad Afzal Hassan