جموں, 18 مارچ (ہ س)۔ جموں و کشمیر حکومت نے واضح کیا ہے کہ رہبر کھیل اساتذہ کی مستقلی کے لیے پہلے سے ہی ایک منظم پالیسی موجود ہے، جس کے تحت سات سال کی تسلی بخش خدمات مکمل کرنے کے بعد انہیں مستقل کیا جائے گا۔اسمبلی میں چودھری محمد اکرم کے سوال کے تحریری جواب میں حکومت نے بتایا کہ رہبرِ کھیل پالیسی جو سال 2017 میں جاری کی گئی تھی وہ اساتذہ کی مرحلہ وار مستقلی کی راہ ہموار کرتی ہے۔ اس پالیسی کے مطابق، جو اساتذہ مسلسل سات سال تک خدمات انجام دیں گے، انہیں فیزیکل ایجوکیشن کے دستیاب اسامیوں پر مستقل تعیناتی دی جائے گی۔حکومت نے مزید وضاحت کی کہ محکمہ میں پیدا ہونے والی تمام اسامیاں رہبرِ کھیل اساتذہ کی مستقلی کے لیے مختص کی جائیں گی اور انہیں کسی دوسرے طریقے سے پُر نہیں کیا جائے گا، تاکہ اساتذہ کے روزگار کا تحفظ یقینی بنایا جا سکے۔
ہندوستھان سماچار
---------------
ہندوستان سماچار / محمد اصغر
19 Mar 2025
