حیدرآباد،18مارچ (ہ س)۔

تلنگانہ کے وزیرآئی ٹی سریدھربابونے کہا ہے کہ آنے والے دنوں میں حیدرآباد کوایک منصوبہ بند شہر کے طورپرترقی دی جائے گی۔ قانون سازکونسل میں ایک سوال کا جواب دیتے ہوئے انہوں نے کہا کہ شمس آباد ایئرپورٹ اور آؤٹر رنگ روڈ کے اطراف تیزی سے شہری ترقی ہورہی ہے۔ حکومت نے پائیدار ترقی کے نشانہ کے تحت فیوچرسٹی کے نام سے ایک خصوصی شہر تعمیر کرنے کا منصوبہ تیار کیا ہے۔ انہوں نے مزید کہا کہ حیدرآباد، سکندرآباد اور سائبرآباد کی طرح، رنگا ریڈی ضلع کے 7 منڈلوں میں 56 ریونیو دیہاتوں کے حدود میں 770 مربع کلومیٹر کے رقبہ پر اس فیوچر سٹی کو عالمی معیار کے شہر کے طور پر ترقی دی جائے گی۔ اس مقصد کے لیے فیوچرسٹی ڈیولپمنٹ اتھارٹی قائم کی گئی ہے۔ یہ شہر صنعتی ترقی، روزگار کے مواقع پیدا کرنے اور معیشت کو فروغ دینے میں معاون ثابت ہوگا۔ہندوستھان سماچار

ہندوستان سماچار / محمدعبدالخالق