مشرقی چمپارن، 18 مارچ (ہ س)۔ ضلع میں ایک 30 سال کی چاچی اپنے 18 سالہ عاشق بھتیجے کے ساتھ فرار ہوگئی۔فرار خاتون اپنے ساتھ 3 بچوں کو بھی لے کر چلی گئی ۔

شوہر کو اس واقعے کا علم اس وقت ہوا جب وہ ہولی پر گھر آیا، جس کے بعد پریشان شوہر نے تھانہ میں درخواست دی ہے، جس میں اپنی بیوی اور تین بچوں کی واپسی کی درخواست کی گئی ہے۔

متاثرہ کے شوہر چنمن رام (35) نے بتایا کہ اس کی شادی 22 اپریل 2014 کو ہرسدھی تھانہ علاقہ کے رام پوروا گاؤں کے رہنے والے سداما رام کی بیٹی منیشا دیوی (30) سے ہوئی تھی۔ شادی کے بعد ان کے تین بچے ہوئے اور خاندان معمول کے مطابق چل رہا تھا میرے والد کا 2017 میں انتقال ہوگیا۔ جس کی وجہ سے میں قرض میں ڈوب گیا۔ اس کی وجہ سے میں زیادہ تر وقت باہر رہ کر پیسے کمانے لگا۔ اسی دوران بیوی اور اس کے بھتیجے آکاش کمار (18) کے درمیان محبت کا سلسلہ شروع ہوگیا۔ شروع میں مجھے کسی بات پر شبہ نہیں تھا کیونکہ ان دونوں کا رشتہ چاچی اوربھتیجے کا تھا ۔ اس دوران منیشا مسلسل فون پر مصروف رہیں۔ ایک دن میں نے اپنی آنکھوں سے ان دونوں کو ایک کمرے میں دیکھا۔ اس کے بعد میں نے منیشا کو اس کے والدین کے گھر بھیج دیا۔ پھر میں کام پر گیا اور ہولی کے دوران اسے اپنے ساتھ واپس لانے کا فیصلہ کیا۔ لیکن جب میں ہولی پر گھر آیا تو مجھے معلوم ہوا کہ منیشا اپنے عاشق آکاش کے ساتھ بھاگ گئی ہے۔ وہ تینوں بچوں کو بھی اپنے ساتھ لے گئی ہے۔

اس معاملے میں جب پولیس ڈائل 112 سروس نے منیشا سے فون پر رابطہ کیا تو اس نے کہا کہ تینوں بچے میرے عاشق آکاش کمار کے ہیں نہ کہ میرے شوہر کے، اس لیے میں کسی بھی صورت میں بچے اسے نہیں دوں گی۔ میں اپنے عاشق کے ساتھ خوش ہوں۔ مجھے اپنے شوہر کی کوئی پرواہ نہیں ہے۔

ہرسدھی تھانہ انچارج سرویش کمار سنہا نے بتایا کہ متاثرہ کی درخواست پر ایف آئی آر درج کی گئی ہے۔ معاملے کی تفتیش کی جا رہی ہے۔ جلد مناسب کارروائی کی جائے گی۔

ہندوستھان سماچار

ہندوستان سماچار / Mohammad Afzal Hassan