نئی دہلی، 14 مارچ (ہ س)۔
نیٹ ورک پلاننگ گروپ (این پی جی) کی 89ویں میٹنگ کی صدارت پنکج کمار، جوائنٹ سکریٹری، محکمہ برائے فروغ صنعت اور اندرونی تجارت (ڈی پی آئی آئی ٹی) نے آج سڑک، ریلوے اور میٹرو کے شعبوں میں بنیادی ڈھانچے کے منصوبوں کی تشخیص کے لیے بلائی۔ ایک سرکاری بیان کے مطابق، میٹنگ میں پی ایم گتی شکتی نیشنل ماسٹر پلان کے ساتھ ہم آہنگی میں ملٹی موڈل کنیکٹیویٹی اور لاجسٹکس کی کارکردگی کو بڑھانے پر توجہ مرکوز کی گئی۔ قومی ماسٹر پلان نے آٹھ منصوبوں (چار سڑکیں، تین ریلوے اور ایک میٹرو) کا جائزہ پی ایم گتی شکتی کے مربوط ملٹی موڈل انفراسٹرکچر کے اصولوں، اقتصادی اور سماجی نوڈس سے آخری میل کنیکٹوٹی اور انٹر موڈل کوآرڈینیشن کے مطابق کیا۔ ان اقدامات سے لاجسٹکس کی کارکردگی کو فروغ دینے، سفر کے وقت کو کم کرنے اور خطوں کو اہم سماجی و اقتصادی فوائد فراہم کرنے کی توقع ہے۔
ہندوستھان سماچار
ہندوستان سماچار / عطاءاللہ
