جورہاٹ (آسام)، 14 مارچ (ہ س)۔ آسام کے تین روزہ دورے پر آرہے مرکزی وزیر داخلہ امت شاہ جمعہ کی رات یہاں پہنچیں گے۔ اپنے دورے کے دوران وہ شمال مشرق میں مختلف پروگراموں میں شرکت کریں گے۔
طے شدہ پروگرام کے مطابق، مرکزی وزیر داخلہ امت شاہ ہفتہ کو دیرگاوں میں آسام حکومت کے ذریعہ تعمیر کردہ لاچیت برفوکن پولیس اکیڈمی کا باضابطہ افتتاح کریں گے۔ اس کے بعد وہ میزورم کے لیے روانہ ہوں گے۔ میزورم میں سرکاری پروگراموں کو مکمل کرنے کے بعد، وہ رات کو گوہاٹی واپس آئیں گے۔
شاہ اتوار کی صبح کوکراجھار کے لیے روانہ ہوں گے۔ وہاں وہ دوتما میں منعقدہ آل بوڈو اسٹوڈنٹس یونین (اے بی ایس یو) کے سالانہ کنونشن میں شرکت کریں گے۔
اس کے بعد وہ شام کو گوہاٹی واپس آئیں گے اور ریڈیسن بلو ہوٹل میں شمال مشرقی ریاستوں کے تمام وزرائے اعلیٰ کے ساتھ میٹنگ میں شرکت کریں گے۔ میٹنگ کے بعد وہ رات ہی میں دہلی روانہ ہو جائیں گے۔
ہندوستھان سماچار
ہندوستان سماچار / محمد شہزاد
