دہرادون، 13 مارچ (ہ س)۔ اتراکھنڈ کی راجدھانی دہرادون کے راج پور تھانہ علاقے میں اترانچل اسپتال کے قریب ایک تیز رفتار مرسڈیز کار نے پیدل چل رہے چار مزدوروں اور ایک اسکوٹی کو ٹکر مار دی۔ حادثے میں چار مزدور موقع پر ہی دم توڑ گئے، جب کہ دو شدید زخمیوں کو دون اسپتال میں داخل کرایا گیا ہے۔ کار ڈرائیور فرار ہے۔

بتایا گیا ہے کہ بدھ کی دیر رات چنڈی گڑھ نمبر کی ایک مرسڈیز کار کے ڈرائیور نے تیز رفتار اور خطرناک انداز میں گاڑی چلاتے ہوئے پیدل جا رہے چار مزدوروں کو ٹکر مار دی۔ اس حادثے میں منسارام ​​(30)، رنجیت (35) اور دو دیگر نامعلوم افراد کی موت ہوگئی۔ مرنے والوں کا تعلق اتر پردیش کے ایودھیا ضلع سے بتایا جاتا ہے۔ لوگوں سے ٹکرانے کے بعد کار نے ایک اسکوٹر کو بھی ٹکر مار دی۔ اسکوٹی سوار دھنی رام اور محمد شکیب، دونوں بہار کے رہنے والے زخمی ہوگئے۔ وہ دون کے سرکاری اسپتال میں زیر علاج ہے۔ پولیس کار ڈرائیور کی تلاش کر رہی ہے۔ سینئر سپرنٹنڈنٹ آف پولیس اجے سنگھ نے جائے حادثہ کا جائزہ لیا۔

ہندوستھان سماچار

ہندوستان سماچار / انظر حسن