نئی دہلی، 13 مارچ (ہ س)۔ آج عالمی مارکیٹ سے ملے جلے اشارے آرہے ہیں۔ ڈونلڈ ٹرمپ کی ٹیرف پالیسی کی وجہ سے امریکی مارکیٹ آخری سیشن کے دوران اتار چڑھاؤ کا شکار رہی۔ اس اتار چڑھاؤ کے بعد، وال اسٹریٹ کے انڈیکس ملے جلے نتائج کے ساتھ بند ہوئے۔ ڈاؤ جونز فیوچرز میں آج کمی کے ساتھ کاروبار دیکھا جا رہا ہے۔ گزشتہ سیشن کے دوران یورپی منڈیوں میں مسلسل خریداری رہی۔ وہیں، ایشیائی بازاروں میں آج عام طور پر دباؤ دیکھا جا رہا ہے۔

ٹیرف پالیسی پر غیر یقینی صورتحال اور عالمی شرح نمو میں سست روی کے خدشے کے باعث گزشتہ سیشن کے دوران مسلسل اتار چڑھاؤ کا سامنا کرنے کے بعد امریکی مارکیٹ ملے جلے نتائج کے ساتھ بند ہوئی۔ ڈاؤ جونز انڈسٹریل ایوریج 82.55 پوائنٹس یا 0.20 فیصد گر کر 41,350.93 پر بند ہوا۔ دوسری جانب، ایس اینڈ پی 500 انڈیکس گزشتہ سیشن 0.49 فیصد اضافے کے ساتھ 5,599.30 پوائنٹس پر ختم ہوا۔ اسی طرح نیس ڈیک بھی 212.35 پوائنٹ یعنی 1.22 فیصد اضافے کے ساتھ 17,648.45 پوائنٹس پر بند ہوا۔ تاہم، ڈاؤ جونز فیوچرز فی الحال 0.12 فیصد کی کمزوری کے ساتھ 41,299.93 پوائنٹس کی سطح پر ٹریڈ کر رہا ہے۔

گزشتہ سیشن کے دوران یورپی مارکیٹ میں مسلسل تیزی کا رجحان رہا۔ ایف ٹی ایس ای انڈیکس 0.53 فیصد اضافے کے ساتھ 8,540.97 پوائنٹس پر بند ہوا۔ اسی طرح، سی اے سی انڈیکس نے گزشتہ سیشن کی تجارت 0.59 فیصد اضافے کے ساتھ 7,988.96 پوائنٹس پر ختم کی۔ اس کے علاوہ ڈی اے ایکس انڈیکس 347.64 پوائنٹس یعنی 1.53 فیصد اضافے کے ساتھ 22,676.41 پوائنٹس پر بند ہوا۔

ایشیائی بازاروں میں آج عام طور پر فروخت کا دباؤ ہے۔ ایشیا کی 9 مارکیٹوں میں سے 8 انڈیکس کمی کے ساتھ سرخ رنگ میں ٹریڈ کر رہے ہیں، جبکہ صرف 1 انڈیکس اضافہ کے ساتھ سبز رنگ میں دیکھا جا رہا ہے۔ ایشیائی مارکیٹ میں واحد نکی انڈیکس 192.95 پوائنٹس یعنی 0.52 فیصد اضافے کے ساتھ 37,012.04 پوائنٹس کی سطح پر ٹریڈ کر رہا ہے۔

دوسری طرف، گفٹ نفٹی 0.15 فیصد کی کمزوری کے ساتھ 22,516 پوائنٹس کی سطح پر ٹریڈ کر رہا ہے۔ اسی طرح اسٹریٹس ٹائمز انڈیکس 0.06 فیصد گر کر 3,830.82 پوائنٹس پر آگیا۔ ہینگ سینگ انڈیکس اس وقت 153.54 پوائنٹس یا 0.65 فیصد کمی کے ساتھ 23,446.77 پوائنٹس پر ٹریڈ کر رہا ہے۔ اسی طرح تائیوان ویٹڈ انڈیکس 124.35 پوائنٹس یا 0.56 فیصد گر کر 22,154.01 پوائنٹس کی سطح پر آگیا۔ اس کے علاوہ کوسپی انڈیکس 0.18 فیصد کی کمزوری کے ساتھ 2,570.08 پوائنٹس پر ٹریڈ کر رہا ہے، سیٹ کمپوزٹ انڈیکس 0.01 فیصد کی علامتی اتار چڑھاؤ کے ساتھ 1,159.93 پوائنٹس پر ٹریڈ کر رہا ہے، جکارتہ کمپوزٹ انڈیکس 6,663.68 پوائنٹس کی کمی کے ساتھ 0.68 پوائنٹس پراور شنگھائی کمپوزٹ انڈیکس 0.44 فیصد گرنے کے بعد 3,357.02 پوائنٹس پر ٹریڈ کررہاہے۔

---------------

ہندوستان سماچار / عبدالسلام صدیقی