نئی دہلی، 7 دسمبر (ہ س)۔ بینک آف بڑودہ اور انڈین بینک کے بعد، پبلک سیکٹر کے قرض دہندہ بینک آف مہاراشٹرا نے اتوار کو ریپو سے منسلک قرضے کی شرح میں 0.25 فیصد کی کمی کی ہے۔ اس کمی سے بینک کے گھر، گاڑی اور تعلیمی قرض کی شرح کم ہو جائے گی۔

بینک آف مہاراشٹرا کی طرف سے جاری کردہ ایک بیان میں کہا گیا ہے کہ ہفتہ کو نظرثانی کے ساتھ، بینک کے ہوم لون سود کی شرح 7.10 فیصد اور کار لون 7.45 فیصد سے شروع ہوگی، جو بینکنگ انڈسٹری میں سب سے کم ہے۔ قرض دینے کی شرحوں میں کمی کا بینک کا فیصلہ ریزرو بینک کی ریپو شرح میں 0.25 فیصد کی کٹوتی کے بعد ہے۔

غور طلب ہے کہ پبلک سیکٹر کے بینکوں بینک آف بڑودہ اور انڈین بینک نے آر بی آئی کی کلیدی پالیسی شرح میں کٹوتی کے بعد ریپو سے منسلک قرضوں پر اپنی سود کی شرحوں میں 0.25 فیصد کمی کی ہے۔ ریزرو بینک نے جمعہ کو ریپو ریٹ میں 0.25 فیصد کی کمی کی، جس سے شرح 5.50 فیصد سے کم ہو کر 5.25 فیصد ہو گئی ہے۔

ہندوستھان سماچار

---------------

ہندوستان سماچار / عبدالواحد