نئی دہلی، 12 مارچ (ہ س)۔ کانکنی کی وزارت جمعرات کو گوا میں پہلی بار ایکسپلوریشن لائسنس (ای ایل) کی نیلامی شروع کرنے جا رہی ہے۔ یہ ملک کے غیر استعمال شدہ اہم اور گہرے معدنی وسائل کو کھولنے کی طرف حکومت کا ایک بڑا اصلاحی قدم ہے۔
کانکنی کی مرکزی وزارت کے مطابق، جمعرات کو ہونے والے اس پروگرام میں کریٹیکل منرل بلاکس کے 5ویں مرحلے پر روڈ شو اور اے آئی ہیکاتھون 2025 کا آغاز بھی شامل ہو گا، جو ”اے آئی کا استعمال کرکے معدنیات کو نشانہ کرنے “ پر مرکوز معدنیات کی تلاش کا ایک ہیکاتھون ہے۔اس تقریب میں مرکزی کوئلہ اور کانکنی جی کشن ریڈی اور گوا کے وزیر اعلی ڈاکٹر پرمود ساونت شرکت کریں گے۔
ایم ایم ڈی آر ترمیمی ایکٹ، 2023 کے نفاذ کے ساتھ، 29 اہم اور گہرے معدنیات بشمول لیتھیم، کاپر، کوبالٹ، سونا، چاندی، آر ای ای اور پی جی ای کی تلاش اور امکانات میں نجی شرکت کی اجازت دینے کے لیے ایکسپلوریشن لائسنس دینے کے لیے ایک تجویز منظور کی گئی، جو کہ نئے قانون کے ساتویں شق میں درج ہیں۔
وزارت کے مطابق، مرکزی حکومت نے ایم ایم ڈی آر ایکٹ کے سیکشن 20 اے کے تحت اپنے اختیارات کا استعمال کرتے ہوئے، 21 اکتوبر 2024 کو ای ایل نیلامی کے عمل کو انجام دینے کا حکم جاری کیا۔ پہلے مرحلے میں، وزارت معدنیات جیسے آر ای ای ، زنک، ڈائمنڈ، کاپر اورپی جی ای کے لیے 13 ایکسپلوریشن بلاکس کو ایک شفاف آن لائن بولی کے عمل کے ذریعے نیلام کرے گی۔ ٹینڈر دستاویزات ایم ایس ٹی سی نیلامی پلیٹ فارم پر 20 مارچ 2025 سے دستیاب ہوں گے۔ تفصیلات کے لیے https://www.mstcecommerce.com/auctionhome/mlcln/ ملاحظہ کریں۔
وزارت کو اس اقدام سے تلاش میں تیزی آنے ، نجی شعبے کی شراکت میں اضافہ ہونے اور ہندوستان کی معدنی سلامتی اور اہم معدنیات میں خود کفالت کو فروغ ملنے کی توقع ہے۔ کانکنی کی وزارت کان کنی کے شعبے میں تلاش، اختراعات اور پائیدار ترقی کو فروغ دینے کے لیے پرعزم ہے۔
ہندوستھان سماچار
ہندوستان سماچار / محمد شہزاد
