لندن، 12 مارچ (ہ س)۔ نیوزی لینڈ کے تیز گیندباز بین سیئرز نے 2025 کے سیزن کے لیے یارکشائر کاونٹی کرکٹ کلب کے ساتھ معاہدہ کر لیا ہے۔ وہ ٹیم کے دوسرے کاونٹی چیمپئن شپ میچ سے قبل انگلینڈ پہنچیں گے، جو ہیڈنگلے میں ورسٹر شائر کے خلاف کھیلا جائے گا۔

27 سالہ سیئرز اپنی تیز گیند بازی کے لیے جانے جاتے ہیں۔ انہوں نے 2024 میں کرائسٹ چرچ میں آسٹریلیا کے خلاف کھیلے گئے اپنے واحد ٹیسٹ میچ میں پانچ وکٹیں حاصل کیں، جس میں انہوں نے دوسری اننگز میں 4 وکٹوں پر 90 رن بنا کر متاثر کیا۔ انہوں نے اپنا ٹی- 20 انٹرنیشنل ڈیبیو 2021 میں بنگلہ دیش کے خلاف کیا تھا۔

بین سیئرز کے ساتھ ساتھ نیوزی لینڈ کے ایک اور تیز گیندباز ول اوورکے بھی یارکشائر کی ٹیم میں شامل ہوں گے جو اس سال ہونے والے ٹی ٹوئنٹی بلاسٹ ٹورنامنٹ میں کھیلیں گے۔ وہیں کلب نے سیئرز کا موازنہ نیوزی لینڈ کے یارکشائر کے سابق کھلاڑی لوکی فرگوسن سے بھی کیا ہے۔

بین سیئرز نے اپنے انتخاب پر خوشی کا اظہار کرتے ہوئے کہا، ’’میں ہیڈنگلے پہنچنے اور ٹیم کے ساتھ کھیلنے کے لیے بہت پرجوش ہوں۔ کلب نے کچھ شاندار دستخط کیے ہیں اور میں اس میں اپنا حصہ ڈالنے کے لیے تیار ہوں۔‘‘

انہوں نے آگے کہا، ’’سیزن کا آغاز اچھی طرح سے کرنا بہت اہم ہوتا ہے۔ ہمارے پاس ابتدائی مراحل میں کچھ بڑے میچز ہیں اور میں ٹیم کو شاندار شروعات دلانے کے لیے پوری طرح تیار ہوں۔‘‘

ہندوستھان سماچار

---------------

ہندوستان سماچار / انظر حسن