سلالم مقابلے میں راجستھان کے پردیومن راٹھور اور اتراکھنڈ کی رینا نے سونے کا تمغہ جیتا
دہرادون، 5 فروری (ہ س)۔ 38ویں قومی کھیلوں کے تحت اتراکھنڈ کے پوڑی ضلع میں واقع پھولچٹی میں گنگا ندی پر منگل کو سلالم مقابلہ اور خواتین کنوئی سلالم مقابلے کا انعقاد کیا گیا۔ اس مقابلے میں مختلف ریاستوں کے شرکاء نے حصہ لیا۔ مقابلے میں راجستھان کے پردیومن راٹھور نے شاندار کارکردگی کا مظاہرہ کرتے ہوئے مردوں کے سلالم مقابلے میں سونے کا تمغہ جیتا۔ وہیں اتراکھنڈ کے دھیرج سنگھ نے چاندی کا تمغہ جیتا اور میگھالیہ کے پنشین کرواہ نے کانسے کا تمغہ حاصل کیا۔
خواتین کے کنوئی سلالم مقابلے میں اتراکھنڈ کی رینا نے شاندار کارکردگی کا مظاہرہ کرتے ہوئے پہلا مقام حاصل کیا اور گولڈ میڈل حاصل کیا۔ مدھیہ پردیش کی پلوی جگتاپ نے چاندی کا تمغہ جیتا اور آندھرا پردیش کی دودی چیتھنا بھگوتی نے کانسے کا تمغہ جیتا۔ مقابلے میں راجستھان، کرناٹک، آندھرا پردیش، گجرات، میگھالیہ، اتراکھنڈ، مدھیہ پردیش اور سروسز کے کھلاڑیوں نے حصہ لیا۔ کھلاڑیوں نے گنگا کی دھارا میں دلچسپ مقابلوں کے دوران اپنی صلاحیتوں اور مہارتوں کا مظاہرہ کیا۔
ہندوستھان سماچار
---------------
ہندوستان سماچار / انظر حسن
