جے کے ای ڈی آئی نے اخبار میں شائع خبر کی تردید کی

جموں، 5 فروری (ہ س)۔ جموں و کشمیر انٹرپرینیورشپ ڈیولپمنٹ انسٹی ٹیوٹ (جے کے ای ڈی آئی) کے ڈائریکٹر نے ایک مقامی اخبار میں شائع خبر کی سختی سے تردید کرتے ہوئے اسے گمراہ کن اور حقائق کے منافی قرار دیا ہے۔ وضاحتی بیان میں کہا گیا ہے کہ انسٹی ٹیوٹ مکمل طور پر جموں و کشمیر سول سروسز قوانین 1979 پر عمل پیرا ہے، جس کے مطابق چھٹی لینا حق نہیں بلکہ ایک مراعت ہے۔

اضافی غیرحاضری پر تنخواہ کی کٹوتی متعلقہ قوانین کے تحت کی گئی ہے اور ملازمین کو پہلے ہی اس بارے میں آگاہ کیا جا چکا تھا۔ جے کے ای ڈی آئی نے اخبار ہیون میک میں 23 جنوری کو شائع خبر کو بے بنیاد اور ادارے کی ساکھ خراب کرنے کی کوشش قرار دیا۔ ساتھ ہی، اخبار سے مطالبہ کیا کہ وہ خبریں شائع کرنے سے قبل حقائق کی تصدیق کرے اور وضاحت کا موقع فراہم کرے۔

ہندوستھان سماچار

---------------

ہندوستان سماچار / محمد اصغر