بھوپال، 5 فروری (ہ س)۔ مدھیہ پردیش میں اب سردی کا اثر کم ہوگیا ہے۔ درجہ حرارت میں اضافے کی وجہ سے دارالحکومت بھوپال سمیت کئی شہروں میں گرمی محسوس ہونے لگی ہے۔ کچھ شہروں میں 2 دن تک بارش کا موسم ہے۔ نیمچ میں بوندا باندی کے بعد منگل کو گوالیار-چمبل میں گرج چمک اور ہلکی بارش ہوئی۔ باقی اضلاع میں موسم صاف اور دھوپ کھلی رہی۔ محکمہ موسمیات کا کہنا ہے کہ آج بدھ سے دن اور رات کے درجہ حرارت میں 2 سے 3 ڈگری تک کمی ہوسکتی ہے۔

محکمہ موسمیات کے مطابق ویسٹرن ڈسٹربنس 8 فروری کو فعال ہونے کا امکان ہے۔ اس کی وجہ سے ریاست میں موسم میں تبدیلی دیکھی جا سکتی ہے۔ ریاست کے کچھ حصوں میں پہلے ہفتے میں بادل چھائے رہیں گے۔ 12، 13 اور 14 فروری کو بارش ہونے کا امکان ہے۔ 20 فروری کے بعد سردی کا اثر مزید کم ہو جائے گا۔ جس کی وجہ سے دن اور رات درجہ حرارت میں اضافہ ریکارڈ کیا جائے گا۔ فی الحال دو سائیکلونک سرکلیشن سرگرم ہیں۔

محکمہ موسمیات کا اندازہ ہے کہ بدھ کو بھوپال، اندور-اجین میں دن اور رات کے درجہ حرارت میں 2 سے 3 ڈگری کی کمی ہو سکتی ہے۔ جبکہ گوالیار اور چمبل ڈویژن کے اضلاع میں مطلع ابر آلود رہ سکتا ہے۔ دوسرے اضلاع میں بھی درجہ حرارت میں کمی دیکھی جا سکتی ہے۔ جبکہ 6 فروری کو دن میں دھوپ کھلے گی، ہلکی سردی کا اثر رات اور صبح کے اوقات میں رہے گا۔ منگل کو دن کا درجہ حرارت منڈلا میں 34.7 ڈگری، سیونی میں 33.4 ڈگری، جبل پور میں 33.3 ڈگری، دموہ میں 33 ڈگری رہا۔ بھوپال میں 31.7 ڈگری، اندور میں 30.6 ڈگری، گوالیار میں 26.1 ڈگری اور اجین میں 30 ڈگری درجہ حرارت ریکارڈ کیا گیا۔

ہندوستھان سماچار

ہندوستان سماچار / انظر حسن