لکھنو، 13 فروری (ہ س)۔ لکھنو کے بدھیشور چوراہے کے قریب ایم ایم لان میں کل رات اکشے اور جیوتی کی شادی کی تقریب میں ایک چیتا گھس گیا۔ لان کی دوسری منزل پر چیتے کے نظر آتے ہی وہاں افراتفری مچ گئی۔ دولہا اور دلہن، باراتی اور تصویریں لینے والے نجی فوٹوگرافر اپنی جان بچانے کے لیے بھاگے۔ تیندوے کی اطلاع ملنے پر محکمہ جنگلات اور پولیس کی ٹیم موقع پر پہنچ گئی اور جب تیندوے کو پکڑنے کی کوشش کی تو اس نے ٹیم پر حملہ کردیا۔

تیندوے کے باغیانہ رویہ اختیار کرنے سے محکمہ جنگلات کے انسپکٹر مقدر علی، ایک فوٹو گرافر اور ایک خاتون زخمی ہو گئے۔ ڈپٹی کمشنر آف پولیس ویسٹ وشواجیت شریواستو کی قیادت میں رات 2 بجے دوبارہ ریسکیو شروع ہوا۔ تبھی تیندوا شادی کے لان کی چھت پر چلا گیا۔ شادی کا لان محکمہ جنگلات کی ٹیم نے خالی کرایا۔ رات 3 بجے کے قریب تیندوے کو پکڑنے والی ٹیم کے ماہرین نے تیندوے کو ٹرانکولائزر گن کا استعمال کرتے ہوئے بے ہوش کرنے میں کامیابی حاصل کی اور تیندوے کو جال میں باندھ کر وہاں سے باہر نکالا گیا۔

ہندوستھان سماچار

ہندوستان سماچار / انظر حسن