نئی دہلی، 13 فروری (ہ س)۔ گھریلو شیئر بازار میں آج ابتدائی کاروبار کے دوران تیزی کا رجحان دکھائی دے رہا ہے۔ آج کے کاروبار کا آغاز معمولی اضافے کے ساتھ ہوا۔ جیسے ہی بازار کھلا فروخت کے دباو کی وجہ سے شیئر مارکیٹ کچھ دیر کے لیے سرخ نشان میں ڈوب گیا، لیکن کچھ دیر بعد خریداری کی حمایت کی وجہ سے سینسیکس اور نفٹی دونوں انڈیکس نے دوبارہ سبز نشان میں اپنی جگہ بنا لی۔ صبح 10 بجے تک کاروبار کے بعد سینسیکس 0.51 فیصد اور نفٹی 0.56 فیصد کے اضافے کے ساتھ کاروبار کر رہے تھے۔

صبح 10 بجے تک کے کاروبار کے بعد شیئر مارکیٹ کے بڑے شیئروں میں ٹاٹا اسٹیل، سیپلا، بجاج فنسرو، کوٹک مہندرا اور بھارت الیکٹرانکس کے شیئر 2.31 فیصد سے لیکر 1.99 فیصد کی مضبوطی کے ساتھ کاروبار کر رہے تھے۔ دوسری طرف ٹیک مہندرا، آئشر موٹرز، ٹاٹا کنزیومر پروڈکٹس، ہیرو موٹو کارپ اور ٹی سی ایس کے شیئر 0.47 فیصد سے لیکر 0.28 فیصد کی گراوٹ کے ساتھ کاروبار کرتے نظر آرہے تھے۔

موجودہ کاروبار میں شیئر مارکیٹ میں 2,281 شیئروں میں ایکٹو ٹریڈنگ ہورہی تھی۔ ان میں سے 1,410 شیئر منافع کماکر سبز نشان میں جبکہ 871 شیئر خسارے کے بعد سرخ نشان میں کاروبار کر رہے تھے۔ اسی طرح سینسیکس میں شامل 30 شیئروں میں سے 22 شیئر خرید کی حمایت کے ساتھ سبز نشان میں برقرار تھے۔ دوسری جانب فروخت کے دباو کے باعث 8 حصص سرخ نشان میں کاروبار کر رہے تھے۔ جبکہ نفٹی میں شامل 50 شیئروں میں سے 33 شیئر سبز نشان میں اور 17 شیئر سرخ نشان میں کاروبار کرتے نظر آرہے تھے۔

بی ایس ای کا سینسیکس آج 30.02 پوائنٹس کے اضافے کے ساتھ 76,201.10 پوائنٹس کی سطح پر کھلا۔ کاروبار شروع ہوتے ہی فروخت کے دباو کی وجہ سے یہ انڈیکس کچھ ہی عرصے میں سرخ نشان پر گر کر 76,013.43 پوائنٹس پر پہنچگیا۔حالانکہ خریداری کی حمایت ملنے کے بعد انڈیکس بحال ہوا اور سبز میں اپنی جگہ دوبارہ حاصل کر لی۔ بازار میں مسلسل خرید و فروخت کے درمیان صبح 10 بجے تک کے کاروبار کے بعد سینسیکس 386.20 پوائنٹس کے اضافے کے ساتھ 76,557.28 پوائنٹس کی سطح پر کاروبار کر رہا تھا۔

سینسیکس کی طرح این ایس ای کے نفٹی نے آج 10.50 پوائنٹس کے معمولی اضافے کے ساتھ 23,055.75 پوائنٹس پر تجارت شروع کی۔ مارکیٹ کھلتے ہی فروخت کے دباو کی وجہ سے یہ انڈیکس سرخ نشان میں گرکر 22,992.20 پوائنٹس تک پہنچ گیا، لیکن اس کے بعد جیسے ہی مارکیٹ میں خریداری شروع ہوئی یہ انڈیکس تھوڑی ہی دیر میں سبز نشان پر واپس آگیا۔ مسلسل خریداری کے تعاون سے یہ انڈیکس چھلانگ لگاکر 23,190.55 پوائنٹس تک پہنچ گیا۔ صبح 10 بجے تک مارکیٹ میں مسلسل خرید و فروخت کے بعد نفٹی 130 پوائنٹس کے اضافے کے ساتھ 23,175.25 پوائنٹس کی سطح پر کاروبار کر رہا تھا۔

ہندوستھان سماچار

ہندوستان سماچار / انظر حسن