حیدرآباد، 25 دسمبر (ہ س)۔ محکمہ موسمیات نے تلنگانہ کے مختلف اضلاع کے لئے الرٹ جاری کرتے ہوئے کہا ہے کہ آئندہ دو دنوں کے دوران ریاست کے الگ تھلگ مقامات پر کم سے کم درجہ حرارت معمول سے 3 تا 4 ڈگری کم رہنے کا امکان ہے۔محکمہ نے اپنی یومیہ رپورٹ میں بتایا ہے کہ آئندہ سات دنوں تک ریاست بھر میں موسم خشک رہنے کی توقع ہے۔ کل شب ریاست میں اقل ترین درجہ حرارت8.2 ڈگری عادل آباد میں ریکارڈ کیا گیا۔

شمالی ہواؤں کے اثر سے ریاست کے شمالی اور سرحدی اضلاع میں سردی کی شدت زیادہ محسوس کی جا رہی ہے۔ ماہرین نے شہریوں، خاص طور پر بچوں اور ضعیف افرادکو مشورہ دیا ہے کہ وہ صبح اور رات کے وقت سردی سے بچنے کے لئے ضروری احتیاطی تدابیر اختیار کریں۔

ہندوستھان سماچار

ہندوستان سماچار / محمدعبدالخالق