نئی دہلی ،25دسمبر ( ہ س):۔

مرکزی وزیر برائے سڑک نقل وحمل و شاہراہیں نتن گڈکری سے آج ایک اہم اور خصوصی ملاقات عمل میں آئی، جس میں مولانا آزاد ایجوکیشن فاونڈیشن (حکومت ہند)کے سابق رکن حاجی شیخ عبدالکریم، منصف ٹی وی کے نیشنل بیورو چیف و سینئرایڈیٹرخورشید ربّانی،سابق سینئرافسر ایم سی ڈی ایس پی رائے،بی جے پی اقلیتی شعبہ کے سابق قومی نائب صدرحاجی عاقِل قریشی اور نوجوان جرنسلٹ محمدغفران آفریدی شریک ہوئے۔ یہ ملاقات نہایت خوشگوار اور مثبت ماحول میں ہوئی، جسکے دوران قومی وسماجی امور سمیت مختلف اہم موضوعات پر تفصیلی تبادلہ? خیال کیا گیا۔

ملاقات کے دوران وفد نے نتن گڈکری کو اقلیتی طبقات،سماجی ہم آہنگی،میڈیاکے کردار اورترقیاتی منصوبوں سے متعلق زمینی حقائق سے آگاہ کیا،خاص طورپرملک میں انفراسٹرکچرکی تیز رفتار ترقی، سڑکوں اورشاہراہوں کے منصوبوں،روزگار کے مواقع اورعام آدمی کی سہولتوں پرگفتگو کی گئی۔

اس موقع پر منصف ٹی وی کے بیورو چیف و سینئرایڈیٹرخورشید ربّانی نے میڈیا کے مثبت کردار پر روشنی ڈالتے ہوئے کہا کہ ذمہ دارصحافت نہ صرف عوام کی آواز بنتی ہے بلکہ حکومت اورعوام کے درمیان ایک مضبوط پل کا کام بھی انجام دیتی ہے۔ قبل ازیں مرکزی وزیرنتن گڈکری نے وفدکاخیرمقدم کرتے ہوئے کہا کہ حکومت کی اولین ترجیح ملک کی ہمہ جہت ترقی ہے اور انفراسٹرکچر کی مضبوطی کے ذریعے نہ صرف معیشت کو تقویت دی جا رہی ہے بلکہ روزگار کے نئے مواقع بھی پیدا ہو رہے ہیں۔ انہوں نے اس بات کا اعادہ کیا کہ ترقی کے سفر میں تمام طبقات کی شمولیت یقینی بنانا حکومت کاعزم ہے۔

ملاقات کے اختتام پر وفد نے شری نتن گڈکری کا شکریہ اداکیا اور امید ظاہر کی کہ مستقبل میں بھی اس طرح کے بامقصد مکالمے جاری رہیں گے،جو ملک کی ترقی اورسماجی ہم آہنگی کے لیے مفید ثابت ہوں گے۔

ہندوستھان سماچار

ہندوستان سماچار / Md Owais Owais