فرخ آباد، 23 دسمبر (ہ س)۔ سماج وادی پارٹی (ایس پی)کی خواتین فرنٹ کے کارکنان نے سابق ایم ایل اے ارمیلا راجپوت کی قیادت میںمنگل کو کچہری پہنچ کر بہار کے وزیر اعلی نتیش کمار کے خلاف احتجاج کیا۔ احتجاج کے دوران کارکنوں نے صدر جمہوریہ کے نام ایک میمورینڈم سٹی مجسٹریٹ کو پیش کی۔
سابق ایم ایل اے ارمیلا راجپوت نے کہا کہ بہار کے وزیر اعلی نتیش کمار نے ایک خاتون کا حجاب کھینچ کر قابل مذمت حرکت کی ہے۔ ہمارے آئین کے تحت عورت کے خلاف ایسا فعل قابل سزا جرم ہے۔ سابق ایم ایل اے نے مزید کہا کہ ہمارے آئین کے تحت عورت کا شوہر بھی اس کی رضامندی کے بغیر اس طرح کے کام میں ملوث نہیں ہوسکتا جیسا کہ بہار کے وزیر اعلیٰ نے کیا ہے۔ ہم سماج وادی مہیلا مورچہ کی خواتین اس کی سخت مذمت کرتے ہیں اور ضلع مجسٹریٹ کے ذریعے صدر جمہوریہ کو ایک میمورنڈم بھیج کر بہار کے وزیر اعلیٰ کے خلاف رپورٹ درج کرنے کا مطالبہ کرتے ہیں۔
خواتین نے سٹی مجسٹریٹ سنجے کمار کو ایک میمورنڈم پیش کیا۔ اس موقع پر ایس پی ضلع صدر چندر پال سنگھ یادو اور خواتین کی بڑی تعداد موجود تھی۔
ہندوستھان سماچار
ہندوستان سماچار / محمد شہزاد
